«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Ўзбекистонда фуқаролик жамиятини ўзида акс эттирувчи қандай тузилмалар мавжуд?

Жавоб: Ўзбекистонда фуқаролик жамиятининг қуйидаги белгилари мавжуд: сиёсий партиялар ва ижтимоий-сиёсий ҳаракатлар; жамоат тузилмалари; Нодавлат нотижорат ташкилотлар; таълим-тарбия муассасалари; динийташкилотлар; миллий-маданий марказлар; жамоатчилик фикрини ўрганиш ташкилотлари; оила ҳамда унинг манфаатларини акс эттирувчи махсус ташкилотлар; фуқароларнинг ўзини-ўзи бошқариш органлари; оммавий ахборот воситалари; демократик сайлов тизими органлари.

65. 
    Ўзбекистонда фуқаролик жамиятининг тараққий топиши қандай асосий йўналишларда кузатилмоқда?
    

Жавоб: Ўзбекистонда фуқаролик жамиятининг тараққий топиши қуйидаги асосий йўналишларда яққол кўзга ташланмоқда: Мулкни давлат тасарруфи дан чиқариш; Кўппартиявийлик тизимини ривожлантириш; Ишлаб чиқаришни юксалтириш; Мақбул ижтимоий дастурлар ишлаб чиқиш. Ўзбекистонда ёшлар фуқаролик жамияти ижтимоий негизининг ўзагини ташкил этади.

66. 
    Ўзбекистонда фуқаролик жамиятини ривожлантириш борасида қандай ишлар амалга оширилмоқда?
    

Жавоб: Сўнгги йилларда фуқаролик жамияти институтларини шакллантириш ва ривожлантиришга қаратилган қатор қонунчилик ҳужжатлари қабул қилинди. Бу қонунчилик ҳужжатларининг қабул қилиниши: фуқаролик жамияти институтларини ташкил қилиш ва ривожлантириш; уларнинг мустақиллигини ва тўлақонли фаолият кўрсатиши учун қонун чилик шароитини яратиш; уларнинг моддий-техникавий таъминотини йўлга қўйиш; уларнинг ижтимоий фаоллигини кучайтириш; уларнинг давлат ва ҳокимият тузилмалари фаолияти устидан таъсирчан назоратини амалга оширишдаги ролини кучайтиришга хизмат қилади.

67. 
    «Ўзбекистон суверенитетининг ҳуқуқий асоси» деганда нимани тушунасиз?
    

Жавоб: Ўзбекистон суверенитетининг ҳуқуқий асоси бу Ўзбекистон Республикасининг Конституцияси бўлиб, ушбу ҳужжат Ўзбекистон Республикаси Олий Кенгашининг ўн иккинчи чақириқ ХII сессиясида, 1992 йил 8 декабрда қабул қилинган.

68.