«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Ўзбекистон Республикаси Олий Мажлиси нималар устидан назорат юритади?

Жавоб: Мажлис, шунингдек, давлат органлари ва бошқа органлар, ташкилот, корхона, муассасалар томонидан Ўзбекистон Республикаси Конституцияси ва қонунларининг, Олий мажлис қарорларининг бажарилиши бўйича назорат олиб бориш ваколатига эга.

92. 
    Ўзбекистон Республикаси ижро этувчи ҳокимияти тизимини айтиб беринг.
    

Жавоб: Ўзбекистон Республикаси Конституциясига мувофиқ Ўзбекистонда ижро этувчи ҳокимиятни Ўзбекистон Республикаси Вазирлар Маҳкамаси амалга оширади. Ўзбекистон Республикасининг ҳукумати бошчилигида ижро этувчи ҳокимиятнинг ягона тизими амал қилади. Мазкур тизимга: Вазирлар Маҳкамаси; вазирликлар; давлат қўмиталари; бошқарув функциясини амалга оширувчи агентликлар, концерн ва уюшмалар; вилоят, туман ва шаҳар ҳокимликлари киради.

93. 
    Ўзбекистон Республикаси Вазирлар Маҳкамасининг асосий вазифаларини айтиб беринг.
    

Жавоб: Ўзбекистон Республикаси Вазирлар Маҳкамаси қонун ҳужжатларига муофиқ бир қатор вазифаларни амалга оширади, хусусан: иқтисодиётнинг, ижтимоий ва маънавий соҳанинг самарали фаолиятига раҳбарликни, Ўзбекистон Республикаси қонунлари, Олий Мажлис палаталари қарорлари, Ўзбекистон Республикаси Президентининг фармонлари, қарорлари ва фармойишларининг ижросини таъминлайди. Бундан ташқари, Вазирлар Маҳкамаси амалдаги қонунларга мувофиқ корхоналар, муассасалар, ташкилотлар, мансабдор шахслар ва фуқаролар томонидан бажарилиши мажбурий бўлган қарорлар ва фармойишлар чиқаради.

94. 
    Ўзбекистон Республикаси Вазирлар Маҳкамаси қандай тартибда шакллантирилади?
    

Жавоб: Вазирлар Маҳкамасининг таркиби Бош вазир тақдим этган номзодлар ичидан танлаб олинади ва Ўзбекистон Республикаси Президенти томонидан тасдиқланади. Ўзбекистон Республикаси Бош вазири номзоди Ўзбекистон Республикаси Президентининг тақдимига биноан Ўзбекистон Республикаси Олий Мажлисининг палаталари томонидан кўриб чиқилади ва тасдиқланади. Вазирлар Маҳкамасининг аъзолари Ўзбекистон Республикаси Бош вазири тақдимига биноан Ўзбекистон Республикаси Президенти томонидан тасдиқланади.

95.