«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Ўзбекистон Республикасида ким Қуролли Кучларининг Олий Бош Қўмондони ҳисобланади ва унга қандай ваколатлар берилган?

Жавоб: Ўзбекистон Республикаси Президенти Ўзбекистон Республикаси Қуролли Кучларининг Олий Бош Қўмондони ҳисобланади. У Қуролли Кучларнинг олий қўмондонларини вазифасига тайинлайди ва вазифасидан озод қилади, ҳарбий унвонлар беради. Президент зарур пайтларда бутун мамлакат бўйича ёки айрим ҳудудларда фавқулодда вазият ёки уруш ҳолатини жорий қилиш ҳуқуқига ҳам эга. Бунда уч кун муҳлат ичида бундай ечим Олий Мажлисга тасдиқлаш учун тақдим қилинади.

78. 
    Қандай ҳолларда Ўзбекистон Республикаси Олий мажлиси тарқатиб юборилиши мумкин?
    

Жавоб: Олий Мажлис Қонунчилик палатаси ёки Сенат таркибида уларнинг нормал фаолиятига таҳдид солувчи ҳал қилиб бўлмайдиган ихтилофлар юз берганда ёҳуд улар бир неча марта Ўзбекистон Республикасининг Конституциясига зид қарорлар қабул қилган тақдирда, Ўзбекистон Республикаси Президентининг Ўзбекистон Республикаси Конституциявий суди билан бамаслаҳат қабул қилган қарори асосида Ўзбекистон Республикаси Олий Мажлисининг Қонунчилик палатаси, Сенати тарқатиб юборилиши мумкин.

79. 
    Ўзбекистон Республикаси Президенти президентлик фаолияти давомида бошқа қандай фаолият билан шуғулланиши мумкин эмас ҳамда ваколати тугаган Президент қандай фаолият билан шуғулланади?
    

Жавоб: Ўзбекистон Республикаси Конституция нинг 91-моддасига кўра, Президент ўз вазифасини бажариб турган даврда бошқа ҳақ тўланадиган лавозимни эгаллаши, вакиллик органининг депутати бўлиши, тадбиркорлик фаолияти билан шуғулланиши мумкин эмас.
Ваколати тугаши муносабати билан истеъфога чиққан Президент умрбод Сенат аъзоси лавозимини эгаллайди.

80. 
    Олий Мажлис қандай ҳокимиятни амалга оширади?
    

Жавоб: Давлат ва жамият бошқаруви сайлов орқали демократик асосда ташкил топади, халқнинг сайлов йўли билан вакиллик органлари тузиб, уларга ўз вакилларини сайлаш, сайланадиган органлар фаолиятининг йўналишларини белгилаш имкониятида фуқаролик жамиятининг асл мазмун-моҳияти мужассамдир.
Ўзбекистон Республикасининг Олий Мажлиси – давлат ҳокимиятининг олий вакиллик органи бўлиб, қонун чиқарувчи ҳокимиятни амалга оширади.

81.