Ўзбекистан темир йўллари

«№___поезд машинистига таркибни енгилроқ профилга суриб тўхтатишга рухсат бераман, _____ станциянинг кириш сигнали ("Станция чегараси" сигнал белгиси) гача бўлган йўл участкаси поездлардан бўш. ДНЦ ______».


212. Перегонда моторвагон поезди мажбуран тўхтаб қолиб, унинг кейинчалик мустақил ҳаракатланишига иложи бўлмаса, унга ортидан келаётган моторвагон поездини, перегондан йўналишдаги биринчи станцияга иккиланган таркибда чиқариш учун улаш рухсат этилади. Иккала поезднинг автотормозлари умумий магистралга қўшилиши лозим.
Иккала поезднинг машинистларига (бу мақсадда мавжуд барча алоқа воситаларидан фойдаланиб) қуйидаги шаклда узатиладиган поезд диспетчерининг қайд этилувчи буйруғига биноан таркиблар бирлаштирилади:


«№_____ ва №_____ поездининг машинистлари. Поездларни бирлаштириб, иккиланган таркиб билан _____________ станциясигача ҳаракатланинглар. ДНЦ ___________».


Бирлаштирилган поездни биринчи поезднинг бошқарув кабинасидан бошқаришнинг иложи бўлмаса, поезд ва тормозлар иккинчи поезднинг бошқарув кабинасидан бошқарилади, бунда ҳаракатланиш тезлиги 25 км/соат дан ошмаслиги лозим. Биринчи поезднинг бошқарув кабинасида машинист бўлиб, ҳаракатни кузатиб бориши ва зарурат туғилганда шошилинч тормозлаш билан тўхташ чораларини кўриши шарт.
Бирлаштириш ва иккиланган таркиб билан ҳаракатланишда иккала поезд локомотив бригадаларининг иш тартиби маҳаллий шароитлардан келиб чиқиб, ДАТК раиси томонидан белгиланади.


213. Перегонда йўловчи поездининг мажбурий тўхтаб қолишида, унинг кейинчалик мустақил ҳаракатланиш имкони бўлмаса, бу поездга ёрдам, ёрдамчи локомотив билан поезднинг бош томонидан ҳам ва поезднинг орт томонидан ҳам, йўловчи поездини мувофиқ равишда олдинда ёки орқада жойлашган станцияга олиб чиқиш йўли билан кўрсатилиши мумкин. Ёрдамчи локомотив машинисти кутилаётган ҳаракат йўналиши хақида йўловчи поезд машинистини, у ўз навбатида бу хақда йўловчи поезди бошлиғи (механик-бригадир) ни огоҳлантириши керак.