Ўзбекистан темир йўллари

«№____поезд локомотиви машинисти. Олдинда тўхтаб қолган №_____ поезднинг ажралиб кетган охирги вагонларига уланинг ва ушбу вагонларни таркибнинг бош қисми билан уланишига ёрдам кўрсатинг. ДНЦ ______».


Ёрдам якка локомотив томонидан ёки орқадан келаётган поезднинг локомотивини ажратмасдан кўрсатилишидан қатьи назар, ёрдам кўрсатаётган локомотив поездни ажраб қолган қисмининг сўнгги вагони билан бирикиши шарт. Кейинги ҳаракатлар ушбу Йўриқноманинг 196 бандида белгиланган талабларни бажарганидан сўнг биринчи локомотив машинистининг кўрсатмаларига биноан амалга оширилади. Бунда ажраб кетган вагонлар орасидаги масофа, таркибнинг бош ва ажраб қолган қисмидаги вагонлар сони, йўл профили ва ҳаказоларга боғлиқ равишда бирикиш биринчи поездниг бош қисмини суриб келиш ёки узилиб қолган вагонларни биринчи поезднинг бош қисми билан қўшилгунча суриб бориш йўли билан амалга оширилади. Ажратилган қисмлар қўшилганидан сўнг иккинчи поезд машинистининг ёрдамчиси локомотивни ортдаги вагондан ажратади ва иккала поезд автоблокировка сигналларига амал қилиб ҳаракатини мустақил давом эттиради.


210. Автоблокировка билан жиҳозланган перегонда якка локомотив ёки махсус ўзи юрар ҳаракат таркиби тўхтаб қолиб, мустақил ҳаракатланишига имкони бўлмаса, уларни орқадан келаётган поезд, локомотивини ажратмасдан туриб, энг яқин станциягача суриб бориш усули билан перегондан олиши мумкин. Бу ҳам поезд диспетчерининг иккала локомотив машинистига ва олдиндаги станция навбатчисига берадиган буйруғига асосан амалга оширилади. Бундай ҳолатда тўхтаб қолган локомотив (махсус ўзи юрар ҳаракат таркиби) орқадан келаётган поезд локомотиви билан уланади. Энг яқин станциягача кейинги ҳаракатланиш тезлиги 25 км/соат дан ошмаслиги лозим.
Участкаларда бундай тартибни қўллаш имконияти йўлнинг плани ва профилидан келиб чиқиб ДАТК раиси томонидан белгиланади.


211. Автоблокировка билан жиҳозланган перегонда ҳаракатланган юк поезди қия кўтарилишда тўхтаб қолган бўлса ва ҳаракатни давом эттириш учун уни йўлнинг енгилроқ профили (қиялиги пастроқ қисми) га суриб тўхтатиш зарур бўлса, ушбу ҳаракат фақат йўлнинг поезд ортидан станциягача бўлган участкаси поездлардан бўш бўлган тақдирда, поезд диспетчерининг локомотив машинисти ва орқадаги станция навбатчисига берадиган қайд этилувчи буйруғи аеосида амалга оширилиши мумкин: