Ўзбекистан темир йўллари

«_____ санадаги №____буйруқ бекор қилинади. Перегоннинг йўли бўйлаб поездлар ҳаракати ___ соат ___ минутдан бошлаб (сигнализация ва алоқа воситаси кўрсатилади) орқали тикланади».


287. Ҳар бир йўл бўйлаб блокировкали (жумладан, локомотив светофорининг кўрсатмалари бўйича) икки томонлама ҳаракат учун қурилмалар билан жиҳозланган икки йўллик перегонда поезд диспетчери регулировка тартибида поездни нотўғри йўлдан жўнатса, ушбу йўл бўшлиги текширилгандан сўнг перегонни чегараловчи станцияларга ва перегонда мавжуд йўл постларига қуйидага шаклда буйруқ берилади:


«____соат ____минутдан бошлаб перегоннинг _____ йўли бўйлаб ______ (жуфт ёки тоқлиги кўрсатилади) поездларнинг ҳаракати тўхтатилади. № ___ поездни _______ станциясидан бир йўллик ҳаракат қоидалари бўйича жўнатинг».


Нотўғри йўл бўйлаб йўловчи поездини жўнатиш тўғрисида шундай буйруқни узатишдан аввал диспетчерлик фармойишлари журналида ЯДМ йўналиш бўйича навбатчисининг қуйидаги буйруғи ёзилиши шарт:


«№ _____ поездни станциядан нотўғри йўл бўйлаб жўнатинг».


Нотўғри йўл бўйлаб бирин-кетин иккита ёки ундан кўп поезд ўтказилганда буйруқ матни шунга мувофиқ ўзгартирилади. Перегонда йўл постлари мавжуд бўлса, зарур ҳолатда улардан нотўғри йўл бўйлаб бир йўналишда ҳаракатланаётган поездларни чегаралаш учун фойдаланиш мумкин, бу ҳам поезд диспетчерининг буйруғида кўрсатилади.
Нотўғри йўлдан поездни ўтказиш хақидаги буйруқни олганидан сўнг станциялар навбатчилари диспетчернинг назорати остида ушбу Йўриқноманинг 165 бандида кўрсатилган шакллар бўйича телефонограммалар билан алмашадилар.
Йўл постлари навбатчилари (бир йўллик перегонларда икки йўллик туташма постлар ва узел олди постлар бундан мустасно) нотўғри йўл бўйлаб поездлар ҳаракати тўғрисидаги сўзлашувларда иштирок этмайдилар, аммо поезднинг жўнатилганлиги хақида телефон орқали хабардор қиладилар ва унинг ўтиш вақтини поездлар ҳаракати журналида қайд этадилар. Йўл постларида чегаралаш усули билан нотўғри йўлдан бирин-кетин бир нечта поезд жўнатилганда ушбу постларнинг навбатчилари қўшни станцияларга поездлар ўтгани хақида қуйидаги шаклда хабар берадилар: