Ўзбекистан темир йўллари

«____ санадаги № _____ буйруқ бекор қилинади. Перегоннинг _____ йўли бўйлаб __ соат __ минутдан бошлаб ______ (жуфт ёки тоқлиги кўрсатилади) поездлар ҳаракати _________ (сигнализация ва алоқа воситаси кўрсатилади) орқали тикланади».


290. Ҳаракат графигида кўзда тутилмаган равишда (одамларни тушириш ва чиқариш, юкларни ортиш ва тушириш учун) перегонда тўхтайдиган поездни станциядан жўнатиш зарурлигида, ушбу поезд қўшни станцияга борадиган ёки жўнатилган станциясига қайтадиган бўлса, поезд ҳолатидан келиб чиқиб поезд диспетчери перегонни чегараловчи станцияларга поезднинг жўнаш ва перегонни эгаллаш вақтини кўрсатиб, рухсат беради.
Бундай поездлар жўнатилганда локомотив машинистларига, шунингдек, одамларни чиқариш ва тушириш, юкларни ортиш ва туширишга раҳбарлик қилаётган ходимларга тегишли огоҳлантиришлар тақдим этилади. Перегонда тўхтагандан сўнг ушбу поездларнинг машинистлари ҳаракатни юқорида кўрсатилган ходимларнинг сигналларига асосан давом эттирадилар.
Поезд диспетчери ёки унинг кўрсатмасига биноан станциялар навбатчилари, перегонга кейинги йўлдош поездлар жўнатилганда, бу поездлар машинистларини радио алоқа орқали поезднинг графикда белгиланмаган тўхташ жойи хақида километр ва пикетни кўрсатиб хабарлашлари керак.
Ёпилган перегонлар (йўллар)га хўжалик поездлари, махсус ўзи юрар ҳаракат таркиби ушбу Йўриқноманинг 8-бобида белгиланган тартибда жўнатилади.
291. Поездлар ҳаракатида у ёки бу перегон (йўлда) сигнализация ва алоқа воситаларининг носозлиги тўғрисида хабар олган поезд диспетчери уни диспетчерлик фармойишлари журналига ёзиб қўяди ва станциялар навбатчилари орқали перегон (йўл) нинг бўшлигини текшириб, ҳаракатни телефон алоқа воситалари орқали ўрнатилиши тўғрисида қуйидаги шаклда буйруқ беради:


«Перегонда (ёки перегоннинг ________ йўлида) фалон алоқа воситаларининг носозлиги туфайли __ соат __ минутдан бошлаб поездлар ҳаракати _______ (бир ёки икки йўллик) ҳаракат қоидаларига биноан телефон алоқа воситаларига ўтказилади, перегон поездлардан бўш. ДНЦ ______ имзо».


292. Перегонда йўл постлари мавжуд бўлганда поезд диспетчерининг алоқанинг бир туридан иккинчисига ўтилиши хақидаги буйруғи постлар навбатчиларига ҳам узатилади, бунда шароитдан келиб чиқиб алоқанинг бошқа турига бутун станциялараро перегонда ёки ҳар бир бўш постлараро перегонда алоҳида ўтилиши мумкин.


293. Сигнализация ва алоқа воситаларининг фаолияти тикланганлиги тўғрисида хабарнома олган поезд диспетчери уни диспетчерлик фармойишлари журналига ёзиб қўяди ва станциялар навбатчилари орқали перегон (йўл) нинг бўшлигига ишонч ҳосил қилганидан сўнг перегонни чегараловчи станцияларга қуйидаги шаклда буйруқ беради: