Ўзбекистан темир йўллари

«Перегонда ажраб қолган вагонларнинг турган жойи маълум эмас».


Бундай огоҳлантириш олган ёрдам кўрсатувчи локомотив машинисти перегонда ўта эҳтиёткорлик билан ва тўсиқ учраса дарҳол тўхташга тайёр ҳолда ҳаракатланиши керак.


ПОЕЗДНИ ПЕРЕГОНДАН ЖЎНАТИЛГАН СТАНЦИЯГА ҚАЙТИШИ


201. Перегонда тўхтаб қолган поезднинг олдинга қараб ҳаракатланиш имконияти бўлмаса ва уни жўнатилган станцияга қайтиши зарур бўлса, машинист шахсан, бош кондуктор ёки локомотив бригадаси ходими орқали бу тўғрида (ёзма, телефон ёки радио алоқа орқали) станция навбатчиси ёки поезд диспетчерига хабар қилиши лозим.
Бундай хабарни олгандан сўнг поезд диспетчери перегонни (перегоннинг тегишли йўлини) ёпади ва поездни жўнатилган станцияга қайтиш тартибини белгилайди.


202. Одатда, поезд перегондан ёрдамчи локомотив билан қайтиши керак.
Фавқулотда ҳолатларда тўхтаб қолган поезд (йўловчи поездидан ташқари) станциянинг кириш сигналигача ёки "Станция чегараси" сигнал белгисигача тисарилиши мумкин. Бундай тисарилиш поезд диспетчерининг буйруғи билан перегон (ёки йўл) барча поездлар ҳаракати учун ёпилиб, тўхтаб қолган поезд машинистига станция навбатчисининг қуйидаги шаклдаги қайд этилувчи буйруғи узатилгандан сўнг амалга оширилади:


«______ перегон (перегоннинг йўли) барча поездлар ҳаракати учун ёпиқ. №_____ поездни кириш сигналигача (ёки "Станция чегараси" сигнал белгисигача) тисаришга рухсат этилади.
ДСП _______________ (станциянинг номи ва имзо)».


Радио алоқа ёки телефон алоқаси бўлмаган ҳолларда поезд, перегон поезд диспетчерининг буйруғига кўра ёпилгандан сўнг, тўхтаб қолган поезд машинистига диагонали бўйлаб қизил полосали оқ рангли бланкадаги рухсатнома (ташувчи орқали) тақдим этилгандан сўнг тўхтатилади.
Автоблокировка билан жиҳозланган перегонларда поездни тўхтатиш мумкинлиги хақидаги буйруқ ёки диагонали бўйлаб қизил полосали ок бланкадаги рухсатнома тўхтаб қолган поезднинг машинистига, йўлнинг тўхтаб қолган поезд билан кириш сигналигача (ёки "Станция чегараси" сигнал белгисигача) бўлган участкаси бошқа поездлардан бўш бўлсагина узатилиши мумкин.
Автоблокировка билан жиҳозланган перегонда жўнаб кетган поезд биринчи блок-участкани бўшатмасдан тўхтаб қолган бўлса, поезд станция навбатчисининг қуйидаги рухсатномасига биноан кириш сигналигача ёки "Станция чегараси" сигнал белгисигача перегонни ёпмасдан тисарилиши мумкин: