Ўзбекистан темир йўллари

«№______ поезд машинистига поездни кириш сигнали ("Станция чегараси" сигнал белгиси) гача тисаришга рухсат бераман.
ДСП ________________ (станциянинг номи ва имзо)».


203. Перегонда тўхтаб қолган поездни жўнатилган станциянинг кириш сигнали ("Станция чегараси" сигнал белгиси) гача тисариш тезлиги 5 км/соат дан ошмаслиги лозим. Перегонда тўхтатилаётган поезднинг олдида (ўтиш майдончасида ёки вагоннинг махсус зинапоясида) локомотив бригадасининг ходими, кондуктор ёки машинистнинг кўрсатмасига биноан бошқа ходим бўлиши керак.
Перегондаги моторвагон поездлар, махсус ўзи юрар ҳаракат таркиблари ва якка локомотивларни тисариш сигналлар кўринадиган ҳудудга тўхташ имконини берувчи тезликда амалга оширилади; моторвагон поезд машинисти бошқа (тисариш йўналиши бўйича олд) бошқарув кабинасига ўтади.
Жўнатилган поезднинг орт қисми станция чегарасидан чиқмаган бўлса, зарур ҳолларда бундай поездни тисариш станция навбатчисининг оғзаки кўрсатмасига биноан маневр тартибида 5 км/соат дан ортиқ бўлмаган тезликда амалга оширилади. Тисарилаётган поезднинг ҳаракат йўналиши бўйича биринчи вагон махсус зинапоясида ёки ўтиш майдончасида локомотив бригадаси ходими ёки кондуктор, станция навбатчиси кўрсатмасига мувофиқ бошқа ходим бўлиши керак.


204. Перегондан қайтаётган поездлар станцияга очиқ кириш светофори бўйича ёки ушбу Йўриқноманинг 265 бандида белгиланган тартибда светофорнинг тақиқ кўрсатмасида қабул қилинади.
Тисарилаётган поездни станцияга қабул қилиш маршрути тайёр бўлса, ушбу Йўриқноманинг 202 бандида кўрсатилган перегондаги поездни тўхтатишга бериладиган рухсат поездни станцияга қабул қилиш тўғрисидаги буйруқ билан бирлаштирилиши мумкин. Бундай ҳолатда кириш светофорининг мавжудлиги ва қабул қилиш шароитларидан келиб чиқиб, рухсатнома матни қуйидаги сўзлар билан тўлдирилади: «ва ____ йўлга ҳаракат қилишга рухсат бераман. Кириш светофори очиқ»; «ва кириш светофорининг тақиқ кўрсатмасида __ йўлга ҳаракат қилишга рухсат бераман. Қабул қилиш маршрути тайёр»; «ва ____ йўлга ҳаракат қилишга рухсат бераман. Қабул қилиш маршрути тайёр».