Ўзбекистан темир йўллари

12-шакл.
«№____ поездни ___км даги постга жўнатишим мумкинми? ДСП (имзо)».


Олдиндаги станция навбатчиси поездни жўнатаётган станция ва постга 13-шакл бўйича жавоб қайтаради:


13-шакл.
«№____ поездни ___км даги постга жўнатишингиз мумкин. ДСП (имзо)».


Ушбу рухсатни қабул қилгандан сўнг пост навбатчиси жўнатиш станциясига 2-шакл бўйича розилик беради.
Поезд постга жўнатилгани тўғрисида жўнатиш станцияси навбатчиси пост ва қўшни станция навбатчиларига 3-шакл бўйича хабар беради. Поезд туташувга етиб келиб, туташув стрелкаси нормал ҳолатга ўтказилгандан сўнг пост навбатчиси иккала станция навбатчиларига 4-шакл бўйича хабар беради.


158. Туташувдан қўшни станциялардан биронтасига поезд жўнатилганда пост навбатчиси иккала станция навбатчиларидан 14-шакл бўйича рухсат сўрайди:


14-шакл.
«№_________поездни __________ станциясига жўнатишим
мумкинми? ДСП (имзо)».
Ортдаги станция навбатчиси постга ва олдиндаги станцияга 15-шакл бўйича жавоб қайтаради:


15-шакл.
«№ _____ поездни _________ станциясига жўнатишингиз
мумкин. ДСП (имзо)».


Ушбу рухсатни олгандан сўнг олдиндаги станция навбатчиси 2-шакл бўйича пост навбатчисига поездни қабул қилишга розилик беради. Розиликни олиб, пост навбатчиси поездни жўнатади, туташув стрелкасини нормал ҳолатга ўтказади ва иккала станция навбатчисини поезд жўнатилганлиги тўғрисида 3-шакл бўйича огоҳлантиради.
Поезд етиб келганлиги тўғрисида қабул қилиш станциясининг навбатчиси 4-шакл бўйича пост ва қўшни станция навбатчисига хабар беради.


159. Кейинчалик туташувга қайтиш учун ҳаракат таркиби билан туташувдан асосий йўлга чиқиш зарурати туғилса, перегон поезд диспетчерининг буйруғи билан барча поездлар ҳаракати учун ёпилади.
Поезд диспетчерининг перегон ёпилгани хусусида буйруғи узатилгандан сўнг асосий йўлга станция навбатчисининг сигнали бўйича чиқилади.
Перегон бўшатилиб, туташув стрелкаси нормал ҳолатга ўтказилгандан сўнг ҳаракат учун очилади.