Ózbekistan respublikasí joqarí HÁm orta arnawlí bilimlendiriw ministrligi

Urıstıń tórtinshi (franko-shved) dáwiri (1636-1648). Barlıq qosımsha imkaniyatlar tamamlanǵanın sezgen Franciya urısqa ózi kiriwge qarar qıldı. Ol shveciya menen awqam dúzip barlıq jónelisler boyınsha diplomatiyalıq háreketlerdi baslap jiberdi. Birlesken provinciyalar Ispaniyaǵa qarsı urıstı dawam ettirdi hám qatar jeńislerge eristi. Mantuiya, Savoyya, Veneciya hám Transil`vaniya kniyazlıǵı franko-shved awqamın quwatladı. Pol`sha biytárep biraq Franciyaǵa doslıq poziciyasın qolladı. Rossiya jeńillik shártler menen Shveciyanı arpa selitra porox tayarlaw ushın kenep jibi hám keme qurılatuǵın aǵash penen támiyinlep turdı. Urıstıń aqırǵı dáwirinde táreplerdiń kúshleri hám finans hám adam kúshleri tamamlanıp baratırǵanı sezile basladı. 40 jıllarǵa kelip francuzlar hám shvedlerdiń ústinligi kórinip qaldı. Biraq Shveciya menen Daniya qarama qarsılıǵı nátiyjesinde olar ortasında baslanǵan urıs (1643-1645) awqamlaslardıń shárayatın awırlastırdı. Qazalanǵan Reshel`e ornına kelgen Julio Mazarini (1602-1661) Shveciya menen Daniya ortasındaǵı mashqalanı sheshiw ushın biraz kúsh sarıpladı. 1646 jılı awqamlaslar armiyası Qubla Chexiyadaǵı Yankove jaqınındaǵı urısta imperator hám Bavariya armiyasın qıyratıp Praga hám Venaǵa qáwip sala basladı. 1646 jılı awqamlaslar armiyası Chexiyadaǵı Yankove jaqınında urısta imperator hám Bavariya armiyasın qıyratıp , Praga hám Venaǵa qáwip sala basladı. Imperator Ferdinand III (1637-1657) urısta jeńilgenin túsindi. 1644jılı Myunsterda kongress baslanıp onda imperator menen Franciya ortasında sóylesiwler alıp barıldı. 1545 jılı Vestfaliyanıń jáne bir qalası Osnabryukda Germaniya Shveciya sóylesiwleri baslandı . Bul waqıtta maqsetsiz alıp barılıp atırǵan urıs dawam etti.