Ózbekistan respublikasí joqarí HÁm orta arnawlí bilimlendiriw ministrligi

Urıstıń ekinshi (Daniya) basqıshı (1625-1629). Urıstıń jańa qatnasıwshısı Daniya koroli Kristian IV boldı. Ol óz jerleriniń qáwipsizliginen qáweterlenip jeńip shıqsa olardı keńeytiw maxsetinde Angliya hám Gollandiyadan alınǵan úlken muǵdardaǵı pulǵa armiya dúzip El`ba hám Vezer dár`yaları aralıǵında jaylasqan, Tila sárkardalıǵındaǵı Gabsburgler armiyasına qarsı hújim basladı, arqa german knyazları hám Kristian IV qolladı. Awır awhalda qalǵan Fridirix II ni imperator xızmetindegi jallanba armiya sarkardası Al`brext Vallenshteyn (1583-1634), bul jaǵdaydan qutqardı. Ol ózine hám imperatorǵa qaraslı aymaqlardan jallanba armiya dúzdi 1630 jılı A. Valenshteyn armiyasınıń sanı 100 mıń adamǵa jetken edi. Urıs háreketleriniń sońǵı 1629 jılı Lyubek tınıshlıq kelisimine qol qoydı. Daniya aymaqlıq joǵaltıwlarsız Germaniya islerine aralaspaw shárti menen kelisimge qol qoydı. Imperator protestantlarǵa jáne bir kúshli soqqı berdi. A.Vallenshteyn bolsa pútkil baslı knyazlıq Meklenburg gercogligin imperatordan sawǵa retinde aldı . Biraq kóp ótpesten Vallenshteyinniń kúsheyip ketip atırǵanınan qáwiplengen imperator onı napaqaǵa shıǵarıp, armiyasın tarqatıp jiberdi. Urıstıń ekinshi basqıshında protestantlar jeńilisiniń tiykarǵı nátiyjesi sol boldı, imperator 1629 jılı Lyubek kelisiminen sál aldın Restitucion edikt dep atalǵan hújjet qabıl qıldı. Bul hújjet 1552 jıldan beri protestantlar tárepinen iyelengen jerlerge katolik shirkewiniń huqıqların tiklewdi kózde tutar edi. Imperatordıń bul qararı imperiyada ulıwma narazılıqtı keltirip shıǵardı.