Ózbekistan respublikasí joqarí HÁm orta arnawlí bilimlendiriw ministrligi

German imperiyasında Avstriyanıń jaǵdayı. Siyasiy gúres. Germaniyanıń eń iri knyazları avstriyalıq Gabsburglar edi. Olarǵa XVI ásirde Joqarı hám Tómengi Avstriya, Tiroll, Qubla Batıs Germaniyanıń qatar aymaqları, Shtiriya, Karindiya hám Krayna sıyaqlı slavyan jerleri qaraslı edi. Sol dáwirde aq Chexiya hám Vengriyanıń bir bólimi qosıp alınıp, kóp milletli Avstriya monarxiyasına tiykar salındı. Biraq 1564 jılı monarxiya jerleri taxtqa dawagerler Ferdinand I diń miyrasxorları ortasında bólingenligi sebepli Avstriya biraz kúshsizlenip qaldı. Imperiya taxtı Maksimilian II (Ferdinandtıń úlken ulı) de saqlanıp qalǵan bolsada endi ayırım nemis knyazları, ásirese XVII ásir baslarında kúsheygen Bavariya Gabsburgları menen básekilese basladı.