Замонавий психология муаммолари

1.04.00.00.00 Оила қонунчилиги / 04.01.00.00 Умумий қоидалар]
“Ўзбекистон Республикасининг фуқаролиги тўғрисида”ги Ўзбекистон Республикасининг Қонуни фуқароларнинг тенглиги, фуқаролик ҳуқуқ ва эркинликларини таъминлашни кўзда тутади.
Ўзбекистон Республикасининг “Меҳнат кодекси”да фуқароларнинг меҳнат қилиш, касбини ўзгартириш, малака ошириш ва қайта тайёрловдан ўтиш, ишсизлик нафақаси олиш, меҳнатга лаёқатсизлик ижтимоий ҳимояси кафолатлари қонун йўли билан мустаҳкамлаб қўйилган.
Демак, шахснинг ижтимоий ҳимояланганлиги – фуқароларнинг муносиб ҳаёт даржасини қўллаб туриш ва уни таъминлашга мустақил қодир бўлмаган ахоли қатламларини ижтимоий ҳимоя қилиш учун давлат томонидан амалга ошириладиган тадбирлар мажмуини англатади. Давлатнинг мажбуриятлари ўрнатилган кафолатлар кўринишида ўзининг ҳуқуқий ифодасини топади. Фуқароларнинг ҳуқуқлари, эркинликлари ва манфаатлари кафолатлари деганда, ҳуқуқ ва манфаатларнинг доимий такомиллашиб боришини, амалга оширилишини, керак бўлганда уларнинг эҳтимол тутилган бузилишларидан ҳимоя қилинишини таъминлайдиган усуллар кўзда тутилади.
Шахс хавфсизлиги – шахс ҳуқуқ ва эркинликлари ҳамда ижтимоий маъқулланадиган манфаатларнинг ҳимоланганлигидир. Юқорида келтирилган қонун ҳужжатларидан мисоллар Ўзбекистонда бу йўналишда барча керакли тадбирлар амалга оширилаётганлигидан далолат беради.
Шахснинг ҳуқуқ ва эркинликларини таснифлаш шуни кўрсатадики, давлатнинг иқтисодий тараққиёт даражаси шахс иқтисодий хавфсизлигининг ва ахоли ижтимоий кафолатларини таъминлашнинг биринчи, асосий шарти бўлиб ҳисобланади. Ижтимоий-маданий соҳа бутун ижтимоий ҳаётнинг ўзагини ташкил қилади. У одам ва ижтимоий гуруҳларнинг қайта ишлаб чиқиш соҳалари: оила, меҳнат жамоалари ва бошқа ижтимоий гуруҳларни қамраб олади. Ижтимоий-маданий соҳа доирасида жамият аъзоларининг тўғридан-тўғри ҳаётий эҳтиёжлари қондирилади, яъни авлодни давом эттириш учун шароит яратилади.
Кўплаб тадқиқотчилар шахснинг ижтимоий хавфсизлиги кучли давлат ҳокимияти мавжудлиги шароитида, давлатнинг етакчилик ролини сақлаб қолган ҳолда жамиятдаги барча ижтимоий сиёсий уюшмалар ва кучлар, ижтимоий гуруҳлар ва қатламлар, ҳар бир фуқаронинг фаоллигини ошириш орқали таъминланиши мумкин, деб ҳисоблайдилар. Ўзбекистонда хозирда ана шу шартларнинг барчаси тўлиқ таъминланган.