Z. S. Ubaydullayeva, sh. R. Xalimova muhandislik geologiyasi va gruntlar

        Hajm  kichrayishi. 
Bu  xususiyat  ko’pchish  xossasining  aksi  bo’lib,  grunt 
namlikni yo’qotganda, ya’ni tarkibidagi suv bug’langanda yoki suv o’simlik orqali 
yutilganda ro’y beradi. Buning natijasida grunt yuzasida tik yoriqlar paydo bo’lib, 
ularning  chuqurligi  gohida  1-2  m  ga  yetadi.  Grunt  namlikni  yo’qotishi  natijasida 
plastiklik  holatidan  yarim  quruq  holatga,  so’ngra  quruq  holatga  o’tadi.  Hajm 
kichrayishi  faqatgina  bog’langan  gruntlarga  xos  xususiyatdir.  Bunda  namlik 
ma’lum  miqdorgacha  kamayadi.  Bu  chegara  hajm  kichrayishi  chegarasi  deb 
ataladi. Bu namlikdan so’ng hajm kichrayishi ro’y bermaydi, lekin suv bug’lanishi 
davom  etishi  mumkin  va  gruntning  og’irligi  kamayadi.  Hajm  kichrayishi  grunt 
tarkibidagi  gilli-kolloidli  zarrachalarning  miqdoriga,  ularning  mineralogik  va 
kimyoviy  tarkibiga,  yirik  donalarning  miqdoriga  bog’liq.  Gilli  gruntlar,  ayniqsa, 
tarkibida  montmorillanit  minerali  bo’lganlarining  hajm  kichrayishi  katta 
ahamiyatga  ega  bo’ladi.  Qumli  gruntlarning  hajm  kichrayishi  juda  kichik  yoki 
butunlay  bo’lmaydi.  Hajm  kichrayishi  natijasida  grunt  zichlanadi,  lekin  unga  suv 
ta’sir  etishi  bilan  ko’pchish  xususiyatiga  ega  bo’ladi.  Hajm  kichrayishi  natijasida 
inshootlar  cho’kishi  mumkin.  Hajm  kichrayishi  namuna  hajmining  kamayishini 
o’lchash orqali aniqlanadi.