З. Б. АҲророва у мумий педагогика

З. Б. АҲРОРОВА


У МУМИЙ
ПЕДАГОГИКА


Тошкент-2017
Ушбу услубий қўлланмада умумий педагогика фанидан талабаларни мустақил таълимини ташкил этиш, талабаларда фикрлаш қобилиятини ривожлантириш, олинган билимлардан фойдаланиш бўйича ўқув кўникмаларини шакллантириш учун тегишли саволлар, топшириқлар ва уларни бажариш бўйича кўрсатмалар баён этилган.


Тақризчилар: пед.ф.д., Б.Ходжаев,
псих. ф.н. доц. М.Мавлонов
Масъул муҳаррир: п.ф.н. З.Ахророва


Ўзбекистон Республикаси
Олий ва ўрта махсус таълим вазирлиги
Мирзо Улуғбек номидаги
Ўзбекистон Миллий университети


У МУМИЙ ПЕДАГОГИКА
Сиртқи бўлим талабалари учун мустақил таълимни бажариш бўйича
услубий қўлланма


Тошкент-2017
СЎЗ БОШИ

“Умумий педагогика” фани бўйича ўқув дастур Олий таълим муассасаларининг бакалавриат босқичининг умумкасбий фанлар блоки бўйича ишланган Давлат таълим стандартига мувофиқ тузилган бўлиб, олий таълим муассасалари талабаларида касбий-педагогик сифатларни шакллантиришга қаратилган. “Умумий педагогика” фани ўқув дастури учта асосий бўлим “Педагогика назарияси”, “Педагогика тарихи” ва “Педагогик маҳорат” дан иборат бўлиб, ушбу бўлимлардаги мазмун орқали бўлажак ўқитувчи кадрларни илм-фан, техника ва технология соҳаларида эришилаётган ютуқлар, миллий ва умуминсоний қадриятларга асосланган ҳолда тайёрлашни, ўқитувчи сифатида педагогик маданиятни ривожлантириш, педагогик жараённи тўғри ташкил этиш, бошқариш ва назорат қилиш кўникмаларини ҳосил қилишга қаратилган.

Хусусан, “Педагогика назарияси”дан талабалар Ўзбекистон Республикасининг таълим соҳасидаги давлат сиёсатини, педагогик жараённинг моҳиятини, таълим назариясини, таълим мазмунини, педагогик жараённинг қонуниятлари ва принципларини, ўқитиш ва тарбиянинг замонавий методлари ва воситаларини эгаллашлари лозим.
“Педагогика тарихи” бўлимида талабалар турли тарихий даврларда шаклланган ўқитиш ва тарбиянинг мазмуни, педагогик мерос, жаҳон таълими тараққиёти ва тажрибаси билан танишиш асосида умумпедагогик билимларини бойитади, замонавий таълим-тарбия бериш жараёнида педагогик ғоялардан унумли фойдаланиш малакалари шаклантирилади.
“Педагогик маҳорат” бўлими орқали талабаларда педагогик маҳорат, унинг ўқитувчи фаолиятида тутган ўрни, ўқитувчи фаолиятида педагогик қобилият, ўқитувчи фаолиятида мулоқот маданияти, мулоқотни ташкил этишда умуминсоний қадриятларнинг устиворлиги; ўқитувчи ва ўқувчи ўртасидаги мулоқот, педагогик техникани шакллантириш каби масалалари қамраб олинган