Амалий машғулот мавзу: Ишлаб чиқаришда саломатлик ва хавфсизлик устиворлиги

₈-АМАЛИЙ МАШҒУЛОТ
Мавзу: Ишлаб чиқаришда саломатлик ва хавфсизлик устиворлиги
Ушбу амалий машғулотни ўтишдан мақсад маҳсулот ишлаб чиқариш ва хизматлар кўрсатишда ходимларнинг хавфсизлигини ошириш, иш жойидаги бахтсиз ходисаларни камайтириш, соғлиқни сақлаш ва хавфсиз меҳнат қилиш муҳити яратиш тушунчалари талабаларга етказиш кўриб чиқилган.

Олиб борилган илмий тадқиқотлар натижаси шуни кўрсатмоқдаки, дунё бўйича бир кунда 7600 нафардан кўп инсон бахтсиз ҳодиса ёки касбий касаллик сабабли ёруғ оламдан ўтаётганлиги аниқланган, бу рақам йиллига 2,78 миллион нафарни ташкил қилмоқда.

Ишлаб чиқаришдаги бахтсиз ходислар ва касалланишнинг оқибатлари иш берувчига шунингдек, корхона иқтисодиётига ҳам сезиларли салбий таъсир кўрсатади, бу ходимларни муддатдан олдин нафақага чиқишга, ходимлар етишмаслигига ва жамиятга иқтисодий зарар келтиради.
Мазкур муаммоларни олдини олиш, бартараф этиш ёки камайтириш учун ISO 9001:2015 янги таҳрири асосида ISO 45001:2018 <<Соғлиқни сақлаш ва хавфсизлик>> менежменти тизимлари стандарти яратилди. Ушбу стандарт ташкилотларга муаммони ҳал қилишга қўйган талаблари ходимларнинг хавфсизлигини ошириш учун асос яратади, иш жойидаги бахтсиз ходисларни камайтиради ва бутун дунёда соғлиқни сақлаш ва хавфсиз меҳнат қилиш муҳити яратишда амалиёт ёрдам беради.
ISO 45000 <<Меҳнат муҳофазаси ва соғлиқни сақлаш>> менежмент тизими гуруҳ стандартларини жорий этиш корхоналарга қуйидаги устунликни беради:
-бутун менежмент фаолиятини қамраб олади, иш жойларида хавфларни камайтиради ва қулай хавфсиз муҳитни яратади;
-соғлиқни сақлаш ва меҳнат муҳофазасини таъминлашда натижавийлик ва самаравийлик мақсадларга эришишда ёрдам беради;
-қонун ва меъёрий ҳужжатлар талабларни бажаришни таъминлайди;
-манфаатдор томонлар талабларини қаноатлантиришга ёрдам беради;
-соғлиқни сақлаш ва меҳнат муҳофазаси сиёсати асосида ўз фаолияти доимий такомиллаштиришга олиб келади;
-соғлиқни сақлаш ва меҳнат муҳофазаси менежмети тизимидаги илғор тажрибаларни ўзлаштиради;
-соғлом ва хавфсиз мехнат шароити таъминлади;
-турли хил бахтсиз ходислар йўқолади ёки камаяди;
-касб касаллигига чалиниш холатлари йўқолади ёки кескин камаяди.