Yuk tashish korxonalarida tashish ishlari o'quv amaliyotidan o'quv-uslubiy qo'llanma

Muntazam tashishlarda yuklarni yetkazish muddatlari.

Masofa	Tashish muddati
200 km gacha	1 sutka
201 km dan 400 km gacha	1.5 sutka
400 km dan keyingi har 250 km gacha	1 sutka qo`shiladi.

Muntazam bo`lmagan shaharlararo yuk tashishlar-yuk jo`natuvchi (qabul qiluvchi) tashkilotlarning bir martalik buyurtmasi asosida amalga oshiriladi.
Shaharlar aro avtomobillarda tashishlar hududga oid belgisiga qarab, viloyat ichida, viloyatlararo, shaharlararo yuk tashishlarga ajratiladi.
Shaharlaro yuk tashishda harakat yo`nalishlari avtomobil yo`nalishlari deyiladi. Shaharlaro yuk tashishda tugun transport ekspeditsiya tashkiloti, agentligi, yuk avtobosh bekatlari va dispetcher nazorat punktlari rahbarlik qiladi.
Shaharlararo yuk tashish mamlakatning yuk aylanmasidan katta ahamiyat kasb etadi, bunda yuklarni tashishga ketadigan vaqt va mablag` sarfi kamayadi.
Bortli avtomobillardan foydalanilganda konteynerlarda tashishni qo`llash kerak. Bunda yuklarni qayta ortish osonlashadi va yuk tashilayotgan yo`nalish qismlarining tutashish joylarida yuk ortish-tushirish ishlarini mexanizatsiyalashtirishga imkon beradi. Shaharlararo tashishdagi mayda partiyali yuklarni bir joyga yig`ib, komplektlab tashishni tashkil etishda, yuk tashish avtomobili bekati (YuTAB) ning ahamiyati katta. Bunday bekatlar omboriga yuklarni tegishli transport vositalari keltiradilar. Yuklarni yo`nalishlarga qarab komplektlab, avtopoyezdlarda yuk egalariga jo`natiladi. Bunday, oldindan komplektlab, yuklarni tashish tizimi, avtomobil va avtopoyezdlar yuk ko`tarish qobiliyatidan unumli foydalanish imkonini beradi.
Uzoq masofalarga yuk tashishda avtomobillarning harakati ishlab chiqarishdan quyidagi jadval asosida amalga oshiriladi:

• 
  Harakatlanish vaqti
  
• 
  To`xtab turish vaqti
  
• 
  Yuk tashish masofasi
  
• 
  Texnik tezlik
  

Shaharlararo yuk tashish 2-ilovaga muvofiq N2-TM shakliga binoan rasmiylashtirilgan tovar-transport nakladnoylari mavjud bo`lgan taqdirda amalga oshiriladi.
Shaharlaro yuktashishda yo`l varaqalari 6-ilovaga muvofiq (yuklarni avtomobillarda tashishni tashkil etish to`g`risidagi qoidalar) 4-M shakl (shaharlaro) da to`ldiriladi. Ushbu shaklda yo`l varaqasining old tomonida qizil rangda bosmaxona usulida “shaharlararo tashishlar” yozuvi yoziladi.