Yuk tashish korxonalarida tashish ishlari o'quv amaliyotidan o'quv-uslubiy qo'llanma

Nazorat savollari
1. Terminallar va ishlab chiqarish bazalari haqida aytib bering.
2. Yuk bekati (GAS) ning asosiy vazifalari haqida aytib bering.
3. Yuk bekatlari (GAS)ning asosiy qurilma (mexanizmlar) va inshootlari haqida aytib bering.
Mavzu: 62 -63. Shaharlararo yuk tashishda yuk bekatining transport ekspeditsiya xizmatini ko’rsatishi bo’yicha hisob-kitob ishlari .
Reja:
1. Shaharlararo va xalqaro yuk tashish.Avtomobil transportida yuk va yo’lovchilarni shaharda, shahar atrofida, shaharlararo va xalqaro yo’nalishlar bo’yicha tashish faoliyatini litsenziyalash to’g’risida Nizom.
2.Sharlararo yuk tashishda harakatlanuvchi tarkibning harakatini tashkil qilish;
3. Sharlararo yuk tashishning samaradorligi.
Tayanch iboralar: Avtomobil transportida yuk va yo’lovchilarni shaharda, shahar atrofida, shaharlararo va xalqaro yo’nalishlar bo’yicha tashish, faoliyatini litsenziyalash, Nizom, sharlararo yuk tashish, harakatlanuvchi tarkib, samaradorlik.
Bayoni:
Shaharlararo va xalqaro yuk tashish.
Shaharlararo avtomobillarda yuk tashish-deb, shahar hududi chetidan boshqa aholi yashaydigan punktgacha 50 km masofadagi tashishlarga aytiladi.
Shaharlar aro tashishlar ikki turga:

1. 
   Muntazam markazlashgan
   
2. 
   Muntazam bo`lmagan yuk tashishlarga ajratiladi va amalga oshiriladi.
   

Muntazam markazlashgan yuk tashishlar ATK, transport ekspeditsiya korxonasi yuk jo`natuvchi va qabul qiluvchi tashkilotlar bilan birga harakatlanuvchi tarkiblarning harakat qilishi, kelishilgan jadval asosida amalga oshiriladi.
Muntazam shaharlar aro yuk tashishda harakat tarkibidan yaxshi foydalaniladi. Avtobosh bekatlarda mayda partiyadagi yuklarni guruhlarga ajratib, paketlash natijasida katta yuk ko`taruvchanlikka ega bo`lgan harakatlanuvchi tarkibdan foydalanish imkoniyati yaratiladi. Yuk tashishni temir yo`l transporti bilan birgalikda tashkil qilish mumkin. Muntazam shaharlar aro yuk tashishda har bir harakatlanuvchi tarkib ishiga nozimlik boshqaruvi tashkil qilinadi. Yuk tashishlar tirkamalarni oxirgi punktlarda, oraliq va oxirgi punktlarda taqish va boshdan oxirigacha almashmasdan qatnaydigan sistemalarda bajariladi.