Yengil atletikaning gigiyenik tavsifi

YENGIL ATLETIKA, GIMNASTIKA, SUZISH VA SPORT O`YINLARI GIGIYENASI.

REJA:

1. 
   1.Yengil atletika gigiyenasi.
   
2. 
   2.Gimnastika gigiyenasi.
   
3. 
   3.Suzish gigiyenasi.
   
4. 
   4.Sport o`yinlari gigiyenasi..
   

Yengil atletikaning gigiyenik tavsifi.

Yengil atletika sportning eng ommaviy turi hisoblanadi. U maktab, oliy va o‘rta maxsus bilim yurtlari jismoniy tarbiya fani o‘quv dasturiga kiritilgan.

Yengil atletika mashg‘uloti organizmning hamma to‘qima va a’zolariga, birinchi navbatda, tayanch-harakatlanish apparatiga, nafas olish va yurak-tomir tizimi faoliyatiga ijobiy ta’sir ko‘rsatadi.

Yengil atletika tarkibiga yurish, yugurish, sakrash, irg‘itish kabilar kiradi.

Yurish va yugurish stereotip siklik harakatlarga kiradi. Irg‘itish va sakrash-asiklik harakatlarga kiradi, krosslar-situatsion harakatlarga kiradi.

Yengil atletika mashg‘ulotlari sportning hamma harakatlarining sifatini takomillashtirilishiga sharoit yaratadi.

Yengil atletika mashg‘ulotlari bilan turli yoshdagi erkaklar va ayollar shug‘ullanishi mumkin.