«яшил» иш ўринларини яратиш орқали экологик барқарор иқтисодиётга адолатли ўтиш

 
 
 

---

37 
ТАВСИЯЛАР 
 
Ҳукумат учун:

ўз ичига муносиб меҳнат бўйича ҳаракатларни олиши лозим бўлган 
“яшил” иқтисодиётга ўтиш бўйича чора-тадбирларни амалга ошириш учун ҳар 
йиллик Миллий ҳаракатлар дастурларини қабул қилиш. Бундай тадбирлар 
Ўзбекистон иштирокчиси бўлган ва Париж иқлим битими талаб қилган 
“Миллий даражада белгиланган ҳиссалар”ни режалаштиришда эътиборга 
олиниши зарур. Касаба уюшмалари бундай муҳокамаларга тайёр ва уларга 
жалб қилиниши лозим; 

“Ўзбекистон Республикасининг 2019-2030 йилларга мўлжалланган 
“яшил” иқтисодиётга ўтиш стратегияси” ва “2030 йилга қадар “яшил” иш 
ўринлари яратиш орқали экологик барқарор иқтисодиётга адолатли ўтиш 
касаба уюшмаси стратегияси” ҳақида хабардорликни ошириш бўйича
2021-2030 йилларга мўлжалланган дастурини ишлаб чиқиш; 

барча учун экологик барқарор иқтисодиёт ва жамиятга ўтиш учун энг 
долзарб бўлган халқаро меҳнат стандартларини кўриб чиқиш ва тарғиб қилиш; 

барқарор ривожланиш мақсадларига эришиш учун миллий режа ва 
сиёсатларга адолатли ўтиш тўғрисидаги қоидаларни киритиш; 

ҳудудий ва маҳаллий даражаларда маҳаллий ҳокимият органларининг 
институционал ва техник салоҳиятини яратиш ва мустаҳкамлаш; 

ижтимоий шерикларнинг ижтимоий мулоқот ва тегишли манфаатдор 
томонлар билан маслаҳатлашувлар орқали сиёсий жараённинг барча даража ва 
босқичларида иштирок этишлари учун имкониятларни тақдим этиш; 

халқаро ташкилотлар кўмагида ҳукуматлар, иш берувчилар ва 
меҳнаткашларнинг ташкилотлари ўртасидаги ўзаро саъй-ҳаракатларни 
рағбатлантириш, фаол иштирок этиш ва экологик барқарорликка ўтиш 
сиёсатини рағбатлантириш; 

Ўзбекистон Республикасида “2019-2030 йиллар даврида Ўзбекистон 
Республикасининг “яшил” иқтисодиётга ўтиш стратегиясини тасдиқлаш 
тўғрисида”ги 2019 йил 4 октябрдаги ПҚ-4477сонли Ўзбекистон Республикаси 
Президентининг Қарори билан тасдиқланган “яшил” иқтисодиётни қўллаб-
қувватлаш ва жорий қилиш бўйича Идоралараро кенгаш таркибига Ўзбекистон 
Республикаси Бандлик ва меҳнат муносабатлари вазирлигини киритиш 
мақсадга мувофиқ.