Xalqaro tijorat ishi

Yukka ishlov berish bo'yicha order - yukka ishlov berish bilan shug‘ullanadigan tashkilotlar tarafidan tashish uchun yoki ular javobgar bo‘lgan yukka ishlov berish uchun beriladigan hujjatdir.
Tovar uchun ruxsatnoma - bu port chegarasi territoriyasidan yoki oxirgi punktdan, unda ko‘rsatilgan tovarlarni olib chiqish huquqini beruvchi hujjat hisoblanadi.
Port yig'imi uchun hujjat - bu ko‘rsatilgan xizmatlar narxi; saqlash va yuklarga ishlov berish; kema to‘lovi; tovar egalarining boshqa yig‘imlari ifodalangan hujjat hisoblanadi.
Bojxona hujjatlari.
Bojxona hujjatlari tovarni bojxona chegarasidan o‘tkazishni amalga oshirish uchun ishlatiladi. Bu hujjatga quyidagilar tegishli: bojxona deklaratsiyasi; eksport, import va valyuta litsenziyalari; tovarlarni kelib chiqishi haqida guvohlik; konsul fakturasi; tranzit hujjatlar; veterinarlik, sanitarlik va karantinlik guvohnomasi va boshqalar.
Bojxona deklaratsiyasi - tovarlarni import yoki eksport qilishda yukka javobgar shaxs tomonidan beriladigan ariza hisoblanadi.
Bojxona deklaratsiyasi quyidagi asosiy ma‘lumotlarni o‘z ichiga oladi: bojxona qabul qilingan yuk haqidagi hujjat nomeri; (bojxona portlari va tovar kelgan kema nomi); tovarning ta‘rif nomi va bojxona ta‘rifi moddasiga tegishli dalillar; tovar partiyasining qiymati va narxi.
Bojxona deklaratsiyasida shuningdek ularga biriktirilgan hujjatlar (schyoti, yuklash sertifikatsiyasi, sifati to‘g‘risida sertifikat va boshqalar) ro‘yxati beriladi.
Ba‘zi bir mamlakatlar import qiluvchi yoki eksport qiluvchiga vaqtincha yoki dastlabki deklaratsiya olish uchun ijozat beradi. Agar importyor yukning bojxonaga kelishi vaqtida u to‘g‘risida aniq ma‘lumotlarga ega bo‘lmasa u holda, importyor dastlabki deklaratsiyani beradi. Tovarni yuklash va topshirishdan so‘ng importyor oddiy turdagi deklaratsiyani beradi. Eksportyor ombordan tovar sotishda, tranzit tovarlarni jo’natishda oldindan deklaratsiya beradi. Unda oldindan to‘langan boj, ko‘zda tutiladi. Tovarlar bojga kiritilishi yoki kiritilmasligiga ko‘ra bir nechta shaklga ega bo‘ladi.