Xalqaro tijorat ishi

Xalqaro savdo muolajalarining soddalashtirilishi
Tashqi savdo xujjatlarining unifikatsiya qilinishi va
standartlashtirilishi

Xalqaro savdoning asosiy masalalarning qiyinlashib borishi, xujjat aylanmasining tez o‘sishi xalqaro savdo muolajalarini soddalashtirish, tashqi savdo xujjatlarini unifikatsiya qilish va standartlashtirish bo‘yicha ishlarning amalga oshirilish masalasini qo‘yadi. Tashqi savdo xujjatlarini standartlashtirish tashqi savdo operatsiyalarini amalga oshirish muolajalarini engillishtiribgina qolmay, balki, ma‘lumotlarni avtomat ravishda qayta ishlash tizimini va axborot uzatish uslublarini qo‘llash imkonini beradi.
70-yillarning boshlarida savdoni soddalashtirish bo‘yicha milliy organlar butunlay qaytadan tashkil qilindi. EEK (EIK) ishchi guruhi yangi nomga ega bo‘ldi: xalqaro savdo muolajalarini soddalashtirish bo'yicha ishchi guruhi (OON,EEK, FAL). Bunda uning faoliyat doirasi ham kengaydi.
EEK va YUNKTAD chambarchas hamkorlikni yo‘lga qo‘ydilar. Masalan, EEK ishchi guruhi YUNKTAD rahbariyatidan xalqaro savdo muolajalarini soddalashtirish masalalari bo‘yicha uning maslahatchisi bo‘lishini iltimos qildi; ishchi guruhi tomonidan tavsiya etilgan standartlar belgilangan ikki tashkilot tomonidan qo‘shma holda nashr qilingan hujjatlar seriyasi nashr qilinadi.
Quyidagi tashkiliy tuzilmalar tashkil etildi:

• 
  Savdo va rivojlanish bo’yicha kengash;
  
• 
  BMT Evropa iqtisodiy komissiyasi (EEK OON);
  
• 
  Tashqi savdoni rivojlantirish bo‘yicha qo‘mita;
  
• 
  Xalqaro savdo muolajalarini soddalashtirish bo‘yicha ishchi guruhi;
  
• 
  Savdo bo‘yicha milliy uyushmalarni tashkil etish va rivojlantirish konferentsiyasi (YUNKTAD);
  
• 
  Savdoni soddalashtirish bo‘yicha maxsus dastur.
  

Rivojlanayotgan mamlakatlarda xalqaro savdo muolajalarini soddalashtirish bo‘yicha YUNKTAD tomonidan orttirilgan tajriba ishchi guruhi doirasida amalga oshiriladigan standartlashtirish va soddalashtirish munosabatida qarorlar qabul qilish jarayonida qo‘llaniladi.
Alohida savdo, transport yoki maxsus tarmoqlar - masalan, tashuvchilar, bojxona organlari, banklar, eksport qiluvchilar ekspeditor va sug‘urtalovchilarning tajriba va talablari savdo muolajalarini soddalashtirishning umumiy yo‘nalishlariga kiritiladi. Shu bilan bir qatorda savdo muolajalarini soddalashtirish bo‘yicha yangi milliy tashkilotlari miqdorining oshishi jarayoni davom etmoqda.