Xalqaro tijorat ishi

Yuk deklaratsiyasi - kemaning kelish - ketishini davlat organlari tomonidan nazorat qilinadigan, yukka tegishli bo‘lgan axborotni o‘z ichiga oluvchi asosiy hujjat sifatida, xalqaro dengizda kema qatnovini engillashtirish maqsadida qabul qilingan Konventsiya (London, 1965) namunasiga ko‘ra tuzilgan.
Ichki iste'mol uchun tovarlar to'g'risida deklaratsiya - import qilish maqsadida olingan tovarlar haqida umumiy ma‘lumotlarni ifodalovchi hujjatdir.
Tezkor etkazib berish haqida bojxona deklaratsiyasi - importyor tomonidan beriladigan hujjat bo‘lib, unda tovar importini amalga oshiruvchi transport vositasi bilan tovar yuklab jo‘natish haqida ma‘lumot keltiriladi. Importchi binosida bojxona organlari tomonidan tasdiqlangan tezkor etkazib berish to‘g‘risidagi nizomga muvofiq tovar yuklab jo‘natiladi.
Mol etkazib berish haqida bojxona ma'lumotnomasi - bu hujjatda bojxona organlari tomonidan bojxonadan chiqarilgan tovarlar ko‘rsatiladi va shu tovarga qiziqishi bo‘lgan tomonlarga taqdim etiladi.
Xavfli yuklar to'g'risida deklaratsiya - bu amaldagi Konventsiya va ko‘rsatmalarga muvofiq yukni qabul qiluvchi tomonidan imzolanadigan hujjatdir. Bu hujjatda havfli tovar yoki ma‘lumotlarni tashishdan maqsadlar va bu tovarlar amaldagi Koventsiya va Nizomga muvofiq qadoqlanganligi va yoriqlar bilan ta‘minlanganligi to‘g‘risidagi ariza ham ko‘rsatiladi.
Tovarning kelib chiqishi haqida sertifikat (guvohnoma) - bu eksportchi mamlakatda kompetent organ tomonidan beriladigan maxsus hujjatdir. Bu hujjatda tovarlar haqida ma’lumot va ushbu sertifikatga taaluqli tovarlarning qaysi mamlakatdan kelib chiqqanligi aniq ko‘rsatiladi. Bu hujjat uni berishga vakolati bo‘lgan hukumat organlari va boshqa organlar tomonidan beriladi. Bu sertifikat shuningdek tayyorlovchining, ishlab chiqaruvchining, mol etkazib beruvchining, eksportyorning yoki boshqa (kompetent) ma‘sul shaxsning deklaratsiyasidan iborat bo’lishi ham mumkin. “Mamlakat” termini o’z ichiga davlatlar, hududlar yoki mamlakatning boshqa qismlari guruhini o‘z ichiga olishi mumkin. Bunday hujjat bojxonada deklaratsiya qilingan tovarning kelib chiqish joyi, imtiyozli rejim bilan bogliq bo‘lgan import qilish jarayonida majburiydir. Imtiyozlar quyidagicha bo‘lishi mumkin: imtiyozli ta‘rif, umumiy tarifdagn chegirmalar, boj to‘lovlarisiz yukni olib o‘tish, qo‘shimcha boj to‘lovlaridan ozod qilish va boshqalar.