Xalqaro tijorat ishi

Eksport i import litsenziyalar. Mamlakatga ma’lum tovarni olib kirish va olib chiqish ustidan nazorat qilish uchun maxsus davlat organlari tomonidan beriladigan hujjat hisoblanadi. Eksport va import litsenziyalari o‘z mamlakatida litsenziya berish bilan shug‘ullanadigan organlarga eksport qiluvchi yoki import qiluvchi tarafidan ko‘rsatilgan ariza asosida beriladi. Bu ariza odatda 2 ta bo‘limdan iborat bo‘lib maxsus blankalarda rasmiylashtiriladi. Ular ariza va litsenziyadan iborat. Agar litsenziya berilgan bo‘lsa, unda arizaning 2-chi bo‘limiga litsenziya beruvchi muassasaning shtampi qo‘yiladi va u arizachiga qaytariladi.
Litsenziyada quyidagilar ko‘rsatiladi: mamlakat nomi (tovar qaerga eksport yoki import qilinmoqda); xar bir vaziyatdagi FOB narxi; tovarning saqlash muddatining tayyorligi va uni etkazib berish muddati. Litsenziya ma‘lum muddatga beriladi va undan foydalanmaslik natijasida u o‘z kuchini yo‘qotadi.
Eksport litsenziyasini berish uchun talabnoma - bu ma’lum narxdagi, ma‘lum tovarni ma‘lum punktga eksport qilishga ruxsat berish to’grisidagi talabnomadir.
Import litsenziyasini berish uchun talabnoma - bu hujjat bo’lib, unda qiziqishi bo’lgan tomon tegishli organdan import qilish chegaralangan tovarni import qilishga ruxsat berishni so’raydi.
Import litsenziyasi - import aloqasiga bog’liq bo’lgan qoidalarga tegishli organ tomonidan beriladi. Ko’rsatilgan tomonga ushbu hujjatda aytilgan shartlarga ko’ra cheklangan davr mobaynida ko’rsatilgan tovarlarni cheklangan yoki cheklanmagan miqdorda olib o’tishga ruxsat beriladi.