Xalqaro tijorat ishi

Tovarni qabul qilish tilxati(ombor kvitantsiyasi) - bu port, ombor(depo) yoki terminal operatori tomonidan beriladigan hujjat hisoblanadi. Bu hujjatlar ko‘rsatilgan shartlar asosida unda ko‘rsatilgan tovarlarni olish qayd qilinadi. Bu hujjat - saqlashga qabul qilingan tovarlar ombor kitobiga yozib qo‘yilgan va faqat o‘z egasiga yoki o‘tkazish yozuvida o‘tilgan shaxsga berilishini tasdiqlaydi.
Tovar-ombor kvitantsiyasi - yuk egasiga ombor egasi tomonidan ular yukni saqlashga olishni tasdiqlash uchun beriladi. Lekin tovar-ombor kvitantsiyasi ombor kvitantsiyasidan farq qilgan holda 2 ta alohida bo‘limdan tashkil topgan: ombor guvohnomasi va ombor varranti - bu yukni qabul qilishi to‘g‘risidagi hujjat bo‘lib ombor boshlig‘i tomonidan tovarlarni omborlarga joylashtirilgan tovarlar nomi ko‘rsatiladi.
Varrantdan omborda turgan tovarlarni garovga qo‘yish evaziga bankdan ssuda olishni amalga oshirish uchun foydalanishi mumkin.
Bunday hollarda varrantda berilgan ssuda summasi to‘g‘risida ma‘lumot, uni qaytarish muddati beriladi.Varrant egasi berilgan ssuda hajmida tovarni garovga qo‘yish huquqiga ega. Ssudani qaytarishda varrant ombor guvohnomasi egasiga beriladi.
Tovarni korxona omboridan olish uchun bir vaqtning o‘zida ham varrant tovar o‘tkazuvchi hujjat hisoblanadi, uni topshirish bilan egalik qilish huquqi tovarga o‘tadi. Varrant xalqaro tovar birjalarida o’tkaziladigan operatsiyalarda keng qo’llaniladi.
Tovar berishga order - ko’rsatilgan tovarni yuk qabul qiluvchiga berish to‘g‘risida buyruq berish huquqiga ega tomonlar tarafidan beriladigan hujjat bo‘lib, u tovar saqlovchiga topshiriladi.