Xalqaro tijorat ishi

Bojxona tranziti uchun tovar deklaratsiyasi - bu bojxona tranziti uchun yuk jo‘natuvchi tovar haqida ma‘lumot beradigan hujjat.
Xalqaro bojxona deklaratsiyasi, MJDP namunasi, xalqaro bojxona deklaratsiyasi - bu xalqaro bojxona tranzit hujjati bo‘lib, bu hujjat orqali yuk jo’natuvchi 1952 yilda qabul qilingan “Temir yo’lda chegara orqali yuk tashishni engillashtirish” haqidagi xalqaro bitimga muvofiq yukni temir yo‘l orqali tashish haqida ma‘lumot beradi.
Xalqaro bojxona tranzit (MDT) kitobchasi - xalqaro bojxona tranziti hujjati bo‘lib, kafolat beradigan birlashma tomonidan va bojxona vakolatli organlari tomonidan beriladi. Bu hujjat orqali yuklar bojxona pechati va plombasiga ega bo’lgan holda avtotransportlarda, konteynerlarda tashiladi. Bu jarayon yuklarni tashish xalqaro bitimi talablariga muvofiq amalga oshiriladi.
TMT deklaratsiyasi - bojxona hujjati bo’lib, uning namunasi 1971 yil 7 iyunda Venada tuzilgan yuklarni xalqaro tranzit tashish haqidagi bojxona bitimi (TMT bitimi) 1-ilovasiga qo‘shib qo‘yiladi. TMT deklaratsiyasi tovarga tegishli bo‘lgan murojaatlar, transportdagi va upakovkalardagi tovarlarni ketadigan joyidan belgilangan joyga etib borishini o‘z ichiga oladi.
ATA kitobchasi - xalqaro tijorat hujjati bo‘lib ATA bitimi shartlariga muvofiq beriladi. Bu bitim xalqaro kafolatga ega va milliy bojxona hujjati o‘rnida, tranzit va vaqtinchalik tovar kiritishni ta‘minlash, import yigim va soliqlar munosabatida kafolat bo‘lib qo‘llaniladi. U reimport va vaqtinchalik tovar chiqarishni nazorat qilishda qo‘llanilishi mumkin. Lekin bu holda xalqaro kafolat qabul qilinmaydi.

3.