Xalqaro hisob-kitoblar

Kreditlanadigan hisobvaraq. Kanday tarzda inkasso tushumi, ishonib topshiruvchi shaxsga to’lanishi lozimligi to’g’risidagi ko’rsatma, to’lovlar amalga oshirilishini tezlashtiradi va kelishmovchiliklarning oldini oladi. Agarda, inkasso tushumi xorijiy valyutada kelib tushsa, u holda benefitsiar uchun xorijiy valyutadagi hisobvaraq ustun bo’lib hisoblanadi. Unda, unga tegishli bo’lgan summa original valyutada kreditlanadi.

Hujjatlarni tekshirish. O’z bankiga inkasso topshiriqnomasini berishdan avval, eksport qiluvchi hujjatlar to’liqligi va to’g’ri to’ldirilishini tekshirishi lozim. Bank bu ishni amalga oshirishga majbur emas, uning vazifasi hujjatlarni taqdim qilish, shu bilan birga, inkasso topshiriqnomasini sifatli va to’g’ri bajarishdir. Ammo, bank topshiriqnomada keltirilgan hujjatlar mavjudligini tekshirishi lozim.

Eksport qiluvchi quyidagilarga e'tibor berishi lozim:

• 
  xaridor tomonidan talab qilingan, yoki oldi-sotdi shartnomasida aytib o’tilgan barcha hujjatlar mavjudmi?
  
• 
  import qiluvchi mamlakat hujjatlarining taqdim qilinishida oldindan yozishmalar hisobga olinganmi?
  
• 
  barcha hujjatlar kerakli tarzda imzolanganmi?