A. N. Samadov, O. S. Jumanov

Kumush  va  uning  qotishmalari.  Kumush  yaltiroq,  oq,  juda 
cho„ziluvchan.  plastik  va  bolg„alanadigan  metall.  Undan  chig„irlash 
(prokatka)  yo„li  bilan  0,00025  mm  qalinlikdagi  varaqlar  olish 
mumkin.  Kumush  juda  ingichka  simlargacha  cho„ziladi,  yaxshi 
buraladi,  kesiladi  va  sayqallanadi.  U  tushayotgan  yorug„likni  95% 
gacha  qaytarish  qobiliyatiga  ega.  Kumush  oksidlanib  qorayadi,  azot 
va konsentrlangan sulfat kislotalarida eriydi. Erish harorati 960,5°C, 
zichligi  10,5  g/sm.  ga  teng.  Kumush  zargarlik  buyumlari 
tayyorlashda  faqat  mis  bilan  birgalikda  qo„shib  ishlatiladi,  xolos. 
Zargarlik  buyumlari  tayyorlashda  kumushning  to„rtta  asosiy  proba 
(belgi)dagi  qotishmasi  ishlatiladi  -  960,  925,  916  va  875.  Kumushli 
qotishmalar  ham  oltin  kabi  rusumlanadi.  Masalan,  SrM916-proba 
(belgi)ning tarkibi 91,6% kumush va qolgani misdan tuzilgan. 
Loklar.  Turli  qatronlar  va  yog„larning  organik  erituvchi 
moddalardagi eritmasi bo„lib buyumlar yuzasida tiniq hamda yaltiroq 
parda hosil qilish uchun foydalaniladi.