Virusologik diagnostikasi

VICHning diagnostikasi. Hozirgi kunda VICH virusining odam organizmida bor yoki yo‘qligini aniqlash bir necha zamonaviy usullar bilan maxsus tibbiy bo‘lim va kasalxonalarda olib boriladi. Natijada, bemorlarning haqiqiy OITS virusi orqali kasallanganligi hamda uning OITS virusi tashuvchi ekanligi aniqlanadi. Bemorlarga nisbatan tegishli davo chora-tadbirlari ko‘riladi. OITS virusi tashuvchilar esa doimiy shifokor nazoratida bo‘lishadi. Bajariladigan ishlar bemor va shifokor imkon boricha, boshqalarga oshkor etmagan holda —maxfiy ravishda olib boriladi.
Ular quyidagilardan iborat:

1. 
   VICH infeksiyaga antitelo hosil bo‘lganligini aniqlash usuli.
   

Ma’lumki, VICH virusi organizmga kirgach, 3 oylardan so‘ng
qonda antitelo hosil bo‘la boshlaydi va natijada antigenlar yordamida serologik reaksiyalar tufayli hosil bo‘lgan antitelo va uning kon- sentratsiyasini aniqlash mumkin. Buning uchun uch xil usuldan foydalaniladi.
Birinchi usulda konyugat sifatida antigen-ferment, ikkinchisida antigen-fluoressein (radioizotop) va uchinchisida immunoglobulinlar fraksiyasini aniqlash yo‘li bilan izlanish ishlari olib boriladi. Hozirgi kunda yangi usullardan foydalanilmoqda.

2. 
   VICH-antigen va viremiya usuli.
   

Ushbu usul bilan qonda antigen borligi aniqlanadi. Bunda laboratoriya tekshiruvi kasallikning boshlang‘ich davrida bajariladi. U kasallikning boshlang‘ich davri hamda bolalarda infeksiya borligini aniqlashda diagnostik ahamiyatga ega. Agarda xastalikning so‘nggi davrida qonda antigen topilsa, u bemorda immunitet sustligini ko‘rsatadi va shunga qarab, davolash kerakligi lozim.
Viremiya — bu qonda limfotsitlardan VICH virusi ajratib olish mumkinligidan darak beradi.

3. 
   Bemorlarni va donorlarni tekshiruvdan o‘tkazish usuli.
   

Ushbu antitelo borligini aniqlash usulidan Buyuk Britaniyada
laboratoriyalar va qon quyish markazlarida keng foydalaniladi. Buning uchun bemor terapevt yoki urolog qabulida bo‘lib maslahatlashadi. Tekshiruv ishlari uchun eng yangi tegishli reaktivlar mavjud. Amaliy jihatdan ushbu usul kasallikni tez aniqlashga yordam beradi..110