Video: Ja si I përshëndet fansat Ballist Morina pas lirimit nga burgu

Në fillim, mund të jeni të padurueshëm dhe të tepërt!

Të shumtën e rasteve femrave nuk u pëlqen kur meshkujt ua shtypin kokën drejtë penisit, thjeshtë është e tmerrshme! Zakonsiht kështu ndodh në fillim të aktit seksual kur femra nuk është e eksituar mjaftueshëm përkundër mashkullit që eksitohet shpejtë. Në vend të kësaj, duhet t`a eksitoni femrën që asajt ti pëlqejë një gjë e tillë dhe ta bëjë me vetëdëshirë.

Nuk e paralajmëroni partneren se do ejakuloni!

Shumë pak femra e pëlqejnë kur një ujëvarë e paparalajmëruar e spermës së nxehtë u rrëshqet në fyt. Duhet që para momentit të ejakulimit të pyesni partneren, nëse është e gatshme që të përtypë një gjë të tillë, të paktën paralajmërojeni kur jeni afër ejakulimit. Nuk mund ti bëni gjërat ashtu si ju dëshironi, të keni parasysh se edhe parnterja juaj ka nevoja dhe kufizime.

Nuk ka reciprocitet!

Shumë meshkuj mendojnë se kanë një të drejtë të pashkruar për seks oral, pa pasur obligim që ta kthejnë në të njejtën masë. Nëse seksi oral nuk është i dyanshëm, mos pritni që partnerja juaj ta bëjë atë me dëshirë. Patjetër duhet të ekzistojë reciprociteti!

Nuk i përmbaheni higjienës!

Qimet e turpshme mund të mbajnë kundërmim të tmerrshëm andaj është e patjetërsueshme që të rregulloni “kaçuben” tuaj. Nëse ju nuk kujdeseni për higjienën tuaj, mos pritni që edhe parnterja juaj ta bëjë një gjë të tillë./femra.net/

Këpucë serbe për Melanie Trump, dhuruesit të pakënaqur me Clinton

Dy palë këpucë, një palë të bardha dhe një palë ngjyrë floriri janë dhurata e një kompanie këpucësh serbe për Melanie Trump, bashkëshorten e republikanit që kandidon për “Shtëpinë e Bardhë”.

Nëse Donald Trump do të zgjidhet si president, disenjuesit tyre besojnë se këto këpucë janë idealet për Melanie si zonjë e parë. Megjithatë menaxheri i fabrikës tha se kjo është një dhuratë tepër simbolike dhe modeste.

“Ato mund të mos jenë diçka mahnitëse, por janë të bëra me shumë dashuri dhe me dëshirën për të bërë ndryshim të madh. Ne kemi shpresën për një të ardhme më të mirë”, shprehet menaxheri i fabrikës Marinko Umiçeviç.

Shumë serbë kanë shprehur hapur mbështetjen e tyre për Trump dhe e kanë refuzuar Hillary Clinton për presidente, pasi bashkëshorti i saj Bill Clinton mbështeti sulmet ajrore të NATO-s mbi pozicionet e tyre në luftën e Bosnjës dhe Kosovës.

Megjithatë gjesti i kompanisë përtej politikës është gjithashtu edhe një mbështetje për atë që e kanë cilësuar si “një grua nga rajoni ynë” pasi Melania Trump ka lindur dhe është rritur në Slloveni që ka qenë pjesë e ish-Republikës jugosllave para shpërbërjes në vitet ‘90./TCh/

Ja nga se vuani kur ju del gjak nga mishrat e dhëmbëve

Studimet e fundit paralajmërojnë meshkujt të cilët vuajnë nga gjakderdhja e mishrave, se janë më të rrezikuar nga impotenca. I botuar në revistat mjekësore seksuale, artikulli shpjegon se kur njerëzit vuajnë nga sëmundja dhe përdorin çamçakëz, bakteret nga goja mund të hyjnë në gjakun e tyre.

Kështu, bakteret mund të ndikojnë në enët e gjakut dhe arterieve. Theksohet se ky efekt rrit rrezikun e mosfunksionimit të eksitimit.

Në të vërtetë, më shumë hulumtime dhe më shumë po tregon se disfunksioni erektil, është një shenjë e hershme paralajmëruese e sëmundjeve të zemrës.

Kjo ndodh për shkak se trupi ka nevojë për një furnizim të mirë të gjakut, për një mbledhje dhe enët e gjakut në atë rajon, janë më të vogla se ato në afërsi të zemrës.

Disa nga shenjat e sëmundjes së “çamçakëzit” janë gjakderdhja e mishrave të dhëmbëve, era e keqe e gojës, dhëmbë të lirshme.

Sugjerimet thonë se bakteret mund të shkaktojë një përgjigje të dëmshme sistemit imunitar, duke shkaktuar enët e gjakut që të bëhet i përflakur, ose të kontribuojnë në depozitat yndyrore në arterie.

Fotogaleri/ Një ‘shëtitje’ mbi urat e vjetra të Shqipërisë...
Shqipëria gjendet në një terren relativisht të thyer, të përshkruar nga një sërë lumenjsh, nga jugu në veri, nga lindja në perëndim. Rrugët e shumta të ndërtruara për komunikim mes zonave, krahinave, fshatrave janë të lidhura me një sërë urash të rënëdësishme, një pjesë e të cilave kanë shekuj që janë ndërtuar e që i kanë rezistuar çdo kohe.

Këto ura u shërbenin jo vetëm banorëve në jetën e tyre të prëditshme, por edhe karvaneve dhe tregjeve të vendit. Ato janë ndërtuar prej guri e prej lënde druri.

Mjaft prej tyre, me kalimin e kohës janë rrënuar, por disa ruhen vetëmgjurmët apo emri i tyre në popull.

Urat janë ndërtime të përbashkëta të popullit të një katundi, lagjeje e fisi prandaj dhe baza materiale sigurohej bashkarisht, ndërsa vlera e punës u paguhej mjeshtrave nga persona të ndryshëm.

Vendi për ngritjen e urës është zgjedhur shkëmbor me brigje të larta ose të ulta, ku janë hapur dhe themelet e këmbëve të urës. Më tej është ngritur armatura, mbi të cilët janë ndërtuar qemerët e urës.

Gurët, me të cilët janë ndërtuar urat janë gëlqerorë, ranorë apo shpani (çmërsi). Gurët i janë nënshtruar daltimit dhe kanë formë kuadratike të rregullt, me përmasa 50-60 cm gjatësi, 40-45 cm gjerësi, 15-20 cm trashësi.

Urat e gurta u ndërtuan në përshtatje me kushtet ekonomike dhe historike të kohës. Ndërtimi i tyre u kushtëzua me lulëzimin e tregut dhe të rrugëve që rriheshin nga karvanet.

Koha e ndërtimit të shumicës së urave përkon me shek. XVII dhe fillimin e shek. XIX, kur lulëzuan dy pashallëqet e mëdha shqiptare ai i Bushatllinjve të Shkodrës dhe ai i Janinës.

Me ndërtimin e rrugëve automobilistike, në vitet ’30 të shek. XX, karvanet e humbën krejtësisht rëndësinë. Kështu vertëm pak ura e kanë ende atë rëndëssinë e tyre të hershme. Gjithsesi ato janë shpallur "Monumente kulture" që mbrohen nga shteti. Fotografitë janë bërë në kohë dhe fotografë të ndryshëm./F.S./Mapo.al/


Foto/ 4 ditë jashtë burgut, kapet me 111 kg kanabis në Durrës

Foto/ Kim Jong ekzekuton me raketa anti-ajrore 2 zyrtarët e lartë
Ekzekutimi i dy zyrtarëve të lartë të Koresë së Veriut është bërë me raketa anti-ajrore, i urdhëruar nga Kim Jong-un, këtë fillim gushti.

Kjo e dhënë është bërë e ditur nga gazeta “Joong Ang Ilbo” e Koresë së Jugut, e cila ka citur dy zyrtarë të lartë që nuk i ka identifikuar.

Viktimat janë Ri Yong Jin dhe Hwang Min, raporton “The Independent”.

Ri Yong Jin, një zyrtar i lartë në ministrinë e arsimit, u arrestua gjatë një takimi me Kim dhe u akuzua për korrupsion para se të ekzekutohej.

Ndërsa ish-Ministri i Bujqësisë, Hwang Min, u spastrua për shkak të një projekti që propozoi, i cili u konsideruar si një fyerje e drejtpërdrejtë ndaj Kimit Jong-ut.

31/08/2016/................................................

Forcat speciale malazeze në kufi me Kosovën, ja plani për situatën

Dy ditë më parë u raportua për vendosjen e njësitë elitare të policisë malazeze në kufirin me Kosovën. Respektivisht, u raportua për vendosjen e pjesëtarëve specialë të njësitit anti-terrorist.

Sipas medieve malazeze, kjo masë radikale e ndërmarrë nga fqinji ynë vinte si pasojë e frikës nga përleshjet eventuale pas ratifikimit eventual të demarkacionit më 1 shtator në Kuvendin e Kosovës.

“Vijesti”, gazeta më e madhe në Mal të Zi dhe e afërt me pushtetin atje, raportoi se, të martën në kufirin me Kosovën përveç njësisë anti-terroriste, aty u vendosen edhe mitraloz.

Sipas burimeve të besueshme të “Vijestit”, më 23 gusht, 30 pjesëtarët të SAJ-it, të armatosur me armë të rënda kanë patrulluar brezin kufitar.

Këto burime kanë thënë se, pjesëtarët e SAJ-it ishin udhëhequr nga komandanti Mirko Banoviç dhe zëvendësi i tij, Milan Kovaçeviç. Ata kishin qëndruar tërë ditën në kufi dhe më pas ishin kthyer në Podgoricë.

“Vendimi që pjesëtarët e njësisë anti-terror të patrullojnë në brezin kufitar është marrë nga krerët e shtetit malazez, pasi që kishin marrë informacione nga shërbimet e sigurisë se situata mund të degradojë për shkak të marrëveshjes së demarkacionit me Malin e Zi”,- shkruan “Vijesti”.

Më herët kjo gazetë shkruante se pas kontrollit, është hartuar plani, sipas të cilit, në rast të nevojës “SAJ” dhe Njësia e Veçantë policore do të stacionoheshin në kufirin me Kosovën.

“Të armatosur me armë të rënda kanë hyrë në zonën tampon, kurse mitralozat janë vendosur në karaulla. Të armatosur deri në dhëmb, pjesëtarët e SAJ-it atë ditë kanë në sytë e të gjithëve që kanë udhëtuar nga Rozhaja deri në Pejë”,- shkuan gazeta malazeze.

Sipas informacioneve jozyrtare, specialët malazezë kishin në plan t’i kontrollonin edhe veturat e KFOR-it të cilat nga Kosova hynin në Mal të Zi./Lajmi.net/

Fëmija i mbytur në Drin, i pangrënë, i rrahur nga i ati dhe njerka

Më lini të qaj për një fëmijë 10 vjeç. Ai do të varroset sot i pangrënë. Do të përcillet në banesën e fundit me shumë plagë në shpirt. Plagë të hapura më shumë se mjerimi, nga dhuna barbare e babait dhe njerkës së tij. I mituri I.Xh. thanë se u mbyt dy ditë më parë në lumin Drin i Zi.

Trupi i pajetë i vocërrakut nga fshati Mazhic i Bulqizës u gjet paraditen e djeshme në afërsi të fshatit Katund i Ri të Dibrës.

I mituri u gjet pas shumë orë kërkimesh nga banorët e tri fshatrave, të cilët po e qajnë pa gjetur ngushëllim.

Dhe jo vetëm atë, por edhe 7 motrat dhe vëllezërit e tij, të cilët, nëse nuk do të ndërhyjë urgjentisht shteti, rrezikojnë të kenë të njëjtin fat.

Pas lajmit të konfirmuar zyrtarisht edhe nga policia për mbytjen e 10-vjeçarit, “fshihet” një histori tejet e dhimbshme. Histori që vjen nga një zonë, ku varfëria ekstreme i shndërron njerëzit në ‘kafshë’.

Vetë të afërmit e të miturit dhe banorët e fshatit Mazhic, me rrëfimet e dëshmitë e tyre pohuan dje për “Gazeta Shqiptare” se babai i fëmijës që u mbyt në lumë është kafshë dhe jo njeri. Ata pohuan se djali i rritur pa nënë mund të mos jetë mbytur duke u larë në lumë, por mund t’i ketë dhënë fund jetës për shkak të traumës dhe depresionit.

Se vetëm tri ditë para ngjarjes, ai ishte rrahur në mënyrë çnjerëzore nga i ati i tij, Shpëtim Xholeshi. 50- vjeçari e ka shtrirë përtokë djalin që kishte me gruan e parë dhe ia ka shkelur kokën me këmbë.

Ky fakt është bërë me dije nga gjyshja 80-vjeçare e të miturit. Por, edhe nga njerka, e cila u shpreh se fëmijët e thjeshtrës i rrihte më pak se i ati i tyre.

DËSHMIA E GJYSHES PËR NGJARJEN

Mëngjesin e së hënës, unë dhe nipi im 10 vjeç shkuam në pyll për dru. Morëm me vete edhe dy kuajt. Rreth orës 10:30 i thashë djalit të djalit të më sillte njërin nga kuajt për ta ngarkuar. Por, ai iku deri tek ura pa më thënë gjë se ku do të shkonte. E kërkova gjithandej, por nuk e gjeta. Mendova se mos ishte fshehur gjëkundi prej frike. U ktheva në shtëpi, ndërsa ai nuk u kthye. Të gjithë dolëm për ta kërkuar.

Banorët e fshatit tonë dhe të Katundit të Ri (i përket rrethit të Dibrës) dolën një për një prej shtëpie dhe bashkë me ne kërkuan deri mëngjesin e sotëm (djeshëm). E gdhimë në bregun e lumit Drin, pasi aty gjetëm dy kuajt, të cilët i kishte marrë nipi”,- thotë Hëne Xholeshi.

Ndërkaq, e moshuara tregoi se djali i saj, Shpëtimi (babai i viktimës) ishte martuar dy herë dhe se me gruan e parë, të cilën e kishte ndarë, ka 4 fëmijë dhe po 4 fëmijë ka edhe me të dytën. Gjithashtu, 80-vjeçarja u shpreh se familja e saj prej 11 anëtarësh mbahej me pensionin e saj dhe pensionin e dy fëmijëve invalidë të të birit. E moshuara qante për humbjen e nipit, ndërsa krah saj dëneste mbesa e saj më e madhe, motra e 10-vjeçarit.

DËSHMIA E NJERKËS

Dje ajo qante. Njerka e 10- vjeçarit tha: “Unë jam nusja e dytë e Shpëtim Xholeshit, por ai plehra më bërtet edhe mua. Më thotë ik tek nëna jote. Më shan dhe rreh fëmijët. Me të kam 4 fëmijë. Ai na torturon mua dhe fëmijët”. E pyetur nëse i rrihte 4 fëmijët e tjerë që burri kishte me gruan e parë, ajo u shpreh: “Unë nuk i torturoj. Unë i dua, por ai (burri) i torturon më shumë. Kur i them unë mos i prek fëmijët, Shpëtimi më thotë: ‘Se nuk të pyes ty. Unë i ruaj me bukë. Ti nuk ke punë me fëmijët e mi’. Ai i rreh përditë fëmijët. Pi nëpër lokale dhe bëhet tapë. Para tri ditësh, erdhi vjehrra e më tha: ‘Oj nuse, yt shoq e mbyti djalin krejt. Ia ka shtypur kokën me këmbë dhe mezi ia kam nxjerrë nga duart’”.

Ndërsa, banorët e fshatit ku ndodhi ngjarja pohuan se 50- vjeçari Shpëtim Xholeshi është baba diktator dhe i pamëshirshëm, pasi në vijimësi ka ushtruar dhunë fizike e psikologjike mbi fëmijët e tij, të cilët duhet të merren urgjentisht në mbrojtje nga shteti.

Gjithashtu, banorët thanë se i kanë ndihmuar me bukë, vaj e sheqer dhe me çfarë kanë mundur familjen e varfër Xholeshi./GSH/

I përçmon meksikanët, por Trump vendos të vizitojë Presidentin Meksikan

Kandidati republikan i SHBA, Donald Trump, viziton Meksikën të mërkurrën, pasi e ka përçmuar në mënyrë të përsërisht vendin gjatë fushatës së tij, njofton BBC.

Trump shkroi në Twitter se shpresonte të takohej me Presidentin Enrique Pena Nieta, i cili i kishte ftuar të dy: atë dhe demokraten Hillary Clinton.

Presidenti meksikan tha se dialogu do të ndihmonte që të mbroheshin meksikanët kudo që ndodheshin.

Trump i ka dënuar emigrantët meksikanë gjatë fushatës së tij dhe u zotua të ndërtonte një mur ndërmjet dy vendeve. Ai do të mbajë një fjalim special mbi emigracionin në Arizona më vonë, të mërkurën.

Republikani i ka parë sondazhet e tij që kanë rrëshqitur që nga konventat partiake, muajt e fundit.

Si në nivel kombëtar, edhe në shtete të rëndësishme, ai ecën zvarrë pas znj.Klinton, e cila gëzon mbështetje të fortë veçanërisht nga minoritetet.

Presidenti amerikan tha se se i kishte ftuar të dy kandidatët për bisedime dhe se do të takohet me Trump në mënyrë private të mërkurën.

“Unë besoj në dialogun për të mbrojtur interesat meksikane në botë dhe kryesisht, për të mbrojtur meksikanët kudo që ndodhen”,- tha ai.

Nëna e të sëmurit mendor: S’e mori ai peng 11-vjeçaren...

Nëna e 46-vjeçarit të sëmurë mendor, që u arrestua për pengmarrjen e një të miture nga policia disa ditë më parë, e mohon kategorikisht një gjë të tillë dhe denoncon faktin se i biri është keqtrajtuar në polici aq sa nuk e njohur as atë, të ëmën.

Shahe Kabashi shprehet për Gazeta shqiptare se “ai nuk mori peng askënd. Pse, mbesat e tij do të merrte peng?! Ne jemi komshinj derë më derë dhe vajzën e mori t’i rregullonte kompjuterin. Vajza erdhi vetë dhe ishte si kokrra e mollës kur iku. Nëse do të ishte ashtu si thotë policia, do të denonconte nëna e vajzës.

Gjithë rrëmujën e bëri babai i vajzës, i cili luajti si në film me policinë.

Shkova tek paraburgimi i Durrësit dhe kërkova takim. Djali më erdhi me një sy të enjtur e të bërë gjak të kuq. Num më njohu mua, nënën e tij. I fola, po nuk më njihte. E ka humbur arsyen pas asaj që ka hequr.

Në vend që ta mbanin më afër, e bënë me keq. E kishin rrahur dhe ishte enjtur shumë. E çuan deri në atë gradë sa të mos njohë më nënën e tij.

Arbeni ka bërë 22 vjet burg në Itali.

Kërkoj që djali im të mos keqtrajtohet, të mos e rrahin më, port a kurojnë dh eta sjellin në vete. Kaq kërkoj unë si nënë”./GSH/

Obama, një ditë nga jeta e njeriut më të fuqishëm në Tokë

Ai është komandanti dhe shefi i ushtrisë më të fuqishme në botë, kreu i partisë së tij politike, dhe udhëheqës i botës së lirë. Vendimet e tij mund të shuajnë një krizë ose të shkaktojnë një luftë, fjalët e tij janë dëgjuar në të gjithë globin.

Ai është president i Shteteve të Bashkuara, dhe ka punën më të vështirë në botë. Planet dhe oraret mund të ndryshojë në harkun kohor të një rrahje zemre, kështu që nuk ka “ditë shabllon” për presidentin.

Çdo ditë sjell sfida të reja për të. Por nëse gjithçka shkon mirë në një ditë normale në Uashington DC, ai do flejë rreth gjashtë orë gjumë para se t’ia nisë punës.

1.Ai zgjohet shumë shpejt dhe rutina e tij e përditshme përfshin stërvitjen e mëngjesit, përpara se t’i futet punës së tij si një zyrtar i lartë.

2. Kreu i Shtëpisë së Bardhë hyn në Zyrën Ovale rreth orës 8:30-9:00 dhe mëson rreth axhendës së tij ditore nga sekretarja e tij personale, Ferial Govashiri.

3. Rreth orës 10:00 ai merr nga këshilltari i sigurisë kombëtare, udhëzimet e përditshme presidenciale, të cilat ndonjëherë i lexon edhe në tabletë. Përmbajtja e udhëzimeve, lejon presidentin të njihet me gjithçka që duhet të dijë dhe mundësitë e ndonjë krize në botë.

4. Dita zakonisht është e mbushur me telefonata…takime… Nëse është në mes të ndonjë beteje ligjore, atij do t’i duhet të takohet me udhëheqës të kongresit nga të dyja palët.

5. Ai gjithashtu takon edhe stafin e tij, për të diskutuar mbi strategjitë legjislative. Në ditën e tij ekziston edhe “shtrëngimi i duarve” ku ai falënderon bujarisht të gjithë pjesëtarët e Shtëpisë së Bardhë. Ai shpesh bashkëbisedon edhe me grupet përbërës kryesorë.

6. Në ditë të tjera, presidenti mirëpret në shtëpi liderë të tjerë botërorë.

7. Në raste të rralla ai flet për shtypin. Dhe në rastet kur ai dëshiron të fluturojë me helikopterin Marine One jashtë Uashington DC, nuk i anashkalon takimet që ka në axhendë. Këto takime zhvillohen aty (si në këtë rast me ish-kryeministrin britanik David Cameron).

8. Fundi i një dite të zakonshme për presidentin Obama është ora 18:00. Ai zakonisht darkon me familjen e tij rreth orës 18:30.

9. Si një baba i mirë ai nuk harron vajzat e tij, Malia dhe Sasha, me të cilat kalon pak kohë argëtimi pasi ka darkuar.

10. Por puna nuk ka mbaruar tamam. Ai zakonisht mban shënime në letër, plane dhe ide të cilat nuk duhet të anashkalohen.

11. Kështu ka shkuar ora 23:30, dhe derisa të fiket drita e mesnatës ai lexon. Nëse asnjë telefonatë nuk e shqetëson, ai ka mundësinë të flejë rreth 6 orë për të nisur ditën tjetër e cila padyshim nuk do jetë si kjo që kaloi./Tirana Observer/


Rama: Do ulemi me Metën për koalicionin 2017, është dhe PDIU


S’ka konsensus/ Mazhoranca 88 vota për Vettingun, PD largohet


Ministri dhe gazetarët “kthehen” me 40 mijë rrënjë kanabis të asgjësuara
Foto/ Bella Hadid është e sëmurë, ja nga se vuan ajo

Modelja Bella Hadid ka një problem serioz me shëndetin. Shëndeti i saj është i ngacmuar nga sëmundja e njohur si ‘Lyme’ e cila shkaktohet nga bakteria e tipit ‘Barrelia’.

Ndërsa nëna e saj Yolanda ndan rregullisht të rejat e saj në rrjetet sociale teksa dokumenton betejën e saj me këtë sëmundje.

Kurse Bella shihet e shtrirë në shtëpi duke zgjedhur që mjekimin ta bëjë aty dhe jo në spital.

19-vjeçarja ka theksuar se, këtë gjë duhet ta bëjë për çdo ditë e sigurisht është mjaft e mundimshme.

Kurse motra e saj Gigi Hadid është e vetmja nga familja që nuk ka qenë e prekur nga kjo sëmundje.

Javën e kaluar nëna e tyre Yolanda i është nënshtruar një operacione në përpjekje për të pushtuar efektet negative të kësaj sëmundje.

Ndërsa që të dyja janë diagnostifikuar me këtë sëmundje në vitin 2012.

Kurse duhet përkujtuar që pavarësisht sëmundjes Bella është shumë e fuqishme në profesionin e saj prej modeleje.
Foto/ CNN: Ja një nga dëshmitarët e mrekullive të Nënë Terezës

Prestigjozi “CCN” ka sjellë ditën e sotme, vetëm 3 ditë para shenjtërimit të Nënë Terezës, një nga dëshmitarët e mrekullive të saj.

“Është e pamundur për mua të harroj Nënë Terezën, së shpejti ajo do të jetë “Shën Tereza e Kalkutës”,- thotë Gautam Lewis - Ajo më dha një shans për t’i shpëtuar varfërisë dhe më ndryshoi jetën duke më çuar të jetoj në Angli”.

Gautam, tashmë një pilot që jeton në Londër, ka lindur në Kalkuta, Indi, në vitin 1977 dhe u braktis nga prindërit nga tij për shkak të një sëmundjeje të rëndë dhe varfërisë.

“Unë kam pasur poliomelit dhe isha i paralizuar, familja ime nuk ishte në gjendje të kujdesej për mua si duhej…edhe tani unë kam lëvizshmëri të kufizuar të gjymtyrëve por e konsideroj veten time me fat sepse i kam mbijetuar një virusi nga i cili shumë kanë vdekur”,- shprehet ai.

“Edhe pse fillimi i historisë time nuk shihet si i lumtur, unë e konsideroj veten time me fat, sepse Nënë Tereza më mori nën kujdesin e saj”.

Gautam dhe Nënë Tereza, kanë qëndruar së bashku në shtëpinë e fëmijëve në kujdesin e “Misionareve të Bamirësisë”. Ai e kujton shenjtoren nga Shqipëria si gjëja më e mirë që i kishte ndodhur në jetë.

“Unë nuk e shikoja çdo ditë, sepse kishte shumë punë për të bërë në orarin e saj të përditshëm por prapë se prapë ajo gjithmonë gjente kohën për të na kontrolluar ne, fëmijët e saj – thotë ai i përmalluar- Çdo të diel, ajo vinte për të na veshur rrobat më të mira, dhe na sillte kapelë te reja”.

Gautam tregon se, nuk mund të ecte por se Nënë Tereza e ndiqte kudo në mënyrë që mos të lëndohej.

“Unë nuk mund të ecja në atë kohë dhe zvarritesha kudo në dysheme, por Nënë Tereza edhe pse shumë gjatë, përkulej, më merrte dhe më shëtiste” – shprehet ai i mallëngjyer- Ajo ishte ‘hija ime e gjatë’ që mbajte gjithmonë sytë e saj mbrojtës mbi mua”.

Zagreb/ Një femër hedh në erë një mjet dhe plagos një person

Kryeqyteti i Kroacisë, Zagrebi, është tronditur mëngjesin e sotëm: Një bombë ka shpërthyer në qendër të tij dhe deri tani mësohet se të paktën një person është plagosur.

Mëngjesin e sotëm, pak pas orës 7, persona të paidentifikuar kanë shpërthyer një mjet në rrugën e “Sutlanska” në Zagreb, me një granatë dore, sipas mediat vendase.

Një person u plagos dhe disa makina aty pranë janë dëmtuar nga shpërthimi.

Departamenti i policisë së Zagrebit ka konfirmuar shpërthimin pak pasi ka arritur në vendngjarje dhe ka nisur hetimin.

Sipas burimeve jozyrtare, personi që hodhi në ere mjetin ka qënë një femër, kjo sipas medieve kroate që citojnë dëshmitarët okular.

Vdes Presidenti i Uzbekistanit? Rusia mohon lajmin, mediat e konfirmojnë

Rusia ka mohuar njoftimet e mediave se lideri për një kohë të gjatë i Uzbekistanit, Islam Karimov, ka vdekur.

“Njoftimet e mbrëmjes së kaluar nuk janë konfirmuar”, tha zëdhënësi i Kremlinit, Dmitri Peskov për agjencinë zyrtare ruse të lajmeve, TASS.

Uzbekistani, një ish-republikë sovjetike në Azinë Qendrore, në heshtje mohoi njoftimet e medias se Karimov kishte vdekur nga një goditje në tru.

“Mjekët thonë se gjendja e tij është e qëndrueshme”, tha një burim i afërt me udhëheqësin e Uzbekistanit, sipas agjencisë së lajmeve, Interfax.

Karimov u shtrua në spital gjatë fundjavës pas një sëmundjeje të rëndë.

Gjendja e tij shkaktoi tronditje në të gjithë vendin duke qenë se është e paqartë se kush do të jetë pasardhësi i tij.

Presidenti Karimov, 78 vjeç, ka qeverisur vendin për një çerek shekulli dhe nuk ka toleruar asnjë kundërshtim ndaj sundimit të tij

Vetëm në një vit borxhi tatimor i VIP-ave u rrit me 57 mln euro

Borxhet që bizneset i kanë organeve tatimore, kryesisht sektorit VIP po shtohen me shpejtësi, por duket se tatimet nuk i kanë llogaritë e qarta në këtë drejtim.

Kontrolli i lartë i Shtetit sapo ka përfunduar një kontroll në Drejtorin e tatimpaguesve VIP në Tiranë dhe ka zbuluar se vetëm për vitin 2014 borxhi i bizneseve në tatime u shtua me 7.9 miliardë lekë ose 57 milionë euro.

“Nga auditimi i Drejtorisë së Borxhit, rezultoi se është konstatuar se fotografimi i borxhit në nivel DPT-je, në vitin 2014 rezulton një shtim borxhi në vlerën prej rreth 7,914 milion lekë” thuhet në raportin Final Të KLSH-së.

KLSH i ka kërkuar Drejtorisë Rajonale Tatimore të Tatimpaguesve të Mëdhenj Tiranë, të evidentojë dhe saktësojë vlerën e borxhit si dhe kohën e lindjes së tij. Gjithashtu KLSH kërkon që të merren masa të menjëhershme për rakordimin e gjendjes së borxhit tatimor nga ana e Sektorit të Mbledhjes së Borxhit në bashkëpunim me Drejtorinë e Përgjithshme të Tatimeve.

Nisur nga numri i madh i subjekteve debitorë si dhe vlera e borxhit tatimor, KLSH vëren se janë marrë masa jo të mjaftueshme shtrënguese në rikuperimin e borxhit tatimor. Nga auditimi rezultoi se në totalin e masave shtrënguese peshën kryesore si në numër subjektesh dhe në vlerë, e zë masa “Njoftim për pagesë” dërguar tatimpaguesve, duke vazhduar pastaj me masën e dytë që është “Urdhër Bllokim i Llogarive Bankare” ku dhe fillojnë të vështirësohen masat ndaj tatimpaguesve.

Në vijim rezulton se nuk është marrë masa “Urdhër Sekuestrim i Pasurisë” pasi nga verifikimi i pasurive të tatimpaguesve ka rezultuar se janë pasuri të cilat janë në kolateral të bankave pasi kanë kredi.

KLSH i rekomandon Drejtorisë e Përgjithshme të Tatimeve të marrë masa të plota lidhur me mënyrën e programimit të ardhurave tatimore duke përfshirë në këtë zë edhe të ardhurat që sigurohen nga programi i rikuperimit të borxhit tatimor./Monitor/

“Shqiptarët të festojnë, Berisha të dorëzojë gjënë e vjedhur”

AMF urdhër për uljen e TPL-ve të makinave. Kompanitë s’binden

Autoriteti i Mbikëqyrjes Financiare u ka kërkuar shoqërive të sigurimit që të anullojnë rritjen e çmimeve për sigurimin e detyrueshëm të automjeteve. Përmes një shkrese zyrtare, AMF u ka kërkuar shoqërive që të zhbëjnë rritjen me 30% të tarifave dhe të rikthehen tek tarifat e vjetra.

“Pasi mori në analizë të dhënat e raportuara nga të gjitha shoqëritë e sigurimit, Autoriteti, arriti në konkluzionin se rritja e bërë nuk është reale dhe e mbështetur mbi baza teknike,” thuhet në shkresën e AMF.

Sipas AMF, rritja është bërë në mënyrë të jashtëligjshme dhe pa njoftuar këtë institcuion ashtu si kërkohet nga rregulloret në fuqi.

“Si rrjedhojë kërkojmë ndërprerjen e menjëhershme të aplikimit të tarifave të reja,” thuhet në letrën zyrtare.