Video: Ja si I përshëndet fansat Ballist Morina pas lirimit nga burgu

DW: Z. Cassens, çfarë masash duhen marrë urgjentisht që bukuritë natyrore, objektet historike dhe kulturore në këtë rajon t'i shërbejnë zhvillimit të qëndrueshëm të turizmit?

Hans- Juergen Cassens: Besoj rezultatet më të mira do të vijnë nëse banorët mbështesin plotësisht drejtimin e turizmit të qëndrueshëm dhe janë ata që e çojnë atë përpara. Qeveria mund të udhëzojë, të përcaktojë kuadrin e rregullave, kushteve, të bëjë pjesën e saj për infrastrukturën mjedisore, por është sektori privat ai që e bën një sukses apo dështim turizmin e qëndrueshëm. Është shumë e rëndësishme të sigurosh përfshirjen e banorëve të këtij rajoni që ata të kuptojnë vlerën e aseteve të tyre. Turizmit të qëndrueshëm mund t'i përqasësh nga shumë drejtime. Ne po përpiqemi të kontribojmë në një pjesë të tyre. Rritja e ndërgjegjësimit për ruajtjen e pasurive natyrore dhe kulturore, zhvillimi i produkteve për struktura më të larmishme turistike, promovimi i rajonit përmes kanaleve të duhura, të gjithë këto do të kontribuojnë. Është e rëndësishme të ndërtohet mbi potencialin ekzistues: përcaktimi dhe zhvillimi i “një pike të vetme shitjeje”.

Psh. sado i bukur të jetë deti Jon , vetëm deti nuk mund të jetë kurrë një “pikë e vetme shitjeje” për turistët e huaj. Ka kaq shumë plazhe shumë të bukura në botë. Por kombinimi i të gjithave, sa përmenda më sipër, bën rajonin bregdetar jugor një mjedis unikal për shkak të shijes së vërtete të rajonit- qe nuk gjendet askund tjetër. Padyshim zhvillimi i mëtejshëm i turizmit të qëndrueshëm duhet të vijë me një dëshirë të fortë për të mbrojtur mjedisin përtej plazheve, në zonat malore rurale, kujdesin për ujin dhe mbetjet e ngurta. Një mjedis “i paprekur” është një vlerë absolute, një "domosdoshmëri" për ato pjesë të turizmit që do të vlerësojnë pasuritë e Jugut. Ruajtja e trashëgimisë kulturore është një tjetër “domosdoshmëri”. Kjo ka të bëjë jo vetëm me ansamblet ku trashëgimia kulturore gëzon një status zyrtar mbrojtjeje, por edhe me mjedise të tjera tradicionale psh fshatrat. Fshatrat, vendbanimet e vjetra, kështjella dhe ndërtesat fetare janë pasqyrë e kulturës dhe historisë. Kombinimi i maleve, detit dhe kulturës i japin rajonit një shije unike. Duhet më shumë vëmendje për ruajtjen dhe zhvillimin e kujdesshëm të vendbanimeve të vjetra dhe për këtë është i nevojshëm një mekanizëm më i mirë.

DW: Në vitet e gjata të tranzicionit, të mungesës së shtetit, korrupsionit dhe mos zbatimit të ligjeve edhe ky rajon nuk i shpëtoi dot ndërtimeve pa kriteter, pa harmoni me natyrën dhe traditën, ku ndoshta edhe vetë banorët kanë një pjesë të fajit. Si mund te kontriboje GIZ për të harmonizuar turizmin e qëndrueshëm dhe ruajtjen e autenticitetit të rajonit?

Hans- Juergen Cassens: Para së gjithash është shumë e rëndësishme që ka një konsensus të gjerë jo vetëm në qeverisjen qëndrore dhe atë lokale, por edhe në sektorin privat dhe popullsinë që nëse asetet kulturore dhe natyrore të Jugut respektohen nga të gjithë ato do të sjellin përfitime afatgjata. Interesat individuale, psh për të ndërtuar hotele dhe struktura të tjera duhet të janë të ekuilibruara me shumë kujdes me interesin e përbashkët të ruajtjes dhe forcimit të aseteve naturore dhe kulturore. Ka një përgjegjësi të lartë nga qeveria nëtë gjitha nivelet, por edhe sektori privat duhet të mbështesë. Nuk jam kaq i sigurtë nëse banorët rezidentë janë fajtorë. Gjithsesi përvoja jonë është që shumë nga banorët në këtë rajon janë të hapur për të mësuar nga shembujt e mirë, por këta shembuj duhet të ekzistojnë. Shpresoj që po kontribojmë me ndërgjegjesimin rreth aseteve të këtij rajoni dhe në të ardhmen do të gjejmë në Jug më shumë shembuj të mirë për t'u marrë me ato me kujdes. Pa dyshim, zhvillimi i qëndrueshëm i turizmit kërkon një kuadër në nivel rajonal dhe lokal. Planet teritoriale në nivel lokal dhe rajonal janë pjesë e tij.

DW: Muajin e kaluar Shqipëria mori pjesë në Panairin Ndërkombëtar të Turizmit në Berlin. Ministria Milva Ekonomi solli prej andej lajmin e mirë: Shqipëria do të jetë vitin e ardhshëm partnere në panairin e turizmit në Stuttgart. Çfarë pritet, cila është rëndësia këtij partneriteti?

Hans- Juergen Cassens: Panairi i Stuttgart-it drejtohet tek klientët ndërsa ai në Berlin, ITB ka një fokus të fortë Business to Business. Në Stuttgart do të ketë interes të madh nga publiku. Të jesh partner në Panairin e Stuttgart-it do të thotë që Shqipëria do të dalë në pah gjatë panairit si një destinacion dhe prandaj ky partneritet është një tjetër hap i rëndësishëm në prezantimin e potencialeve të saj tek një gamë e gjerë vizitorësh të interesuar në përvoja të reja turistike. Gjithsesi është njëherazi një angazhim dhe një nxitje për t'u përgatitur mirë për të paraqitur Shqipërinë në mënyrën më të mirë të mundshme, por edhe për të patur shërbime të mira turistike në vend. Pra, është një hap tjetër shumë i rëndësishëm për të tërhequr vëmendjen ndërkombëtare mbi potencialet turistike të Shqipërisë.

*GIZ- Gesellschaft für Internationale Zusammenarbeit- Shoqata gjermane per Bashkëpunim Ndërkombëtar. –

Pronari i motelit përgjonte çiftet duke bërë seks

Çiftet kur shkojnë në një dhomë moteli, gjithë çfarë duan është të kenë pak privatësi. Por nuk kanë qenë kaq me fat çiftet që e kanë vizituar një motel në Kolorado.

Kjo pasi pronari i këtij biznesi për 29 vite i ka spiunuar dhe më pas edhe ka marrë shënime të shumta për disa gjëra nga të gjithë çiftet që kanë qenë mysafirë tek ai.

Gerald Foos që është pronari i këtij moteli dhe që e kishte blerë atë me 21 dhoma bashkë me gruan e tij, Donna, në vitin 1960 është subjekt i librit të ri nga gazetari Guy Talese.

Së bashku me gruan e tij, ai kishte vendosur grila të rreme në disa dhoma, të cilat i mundësonin atyre që të shikonin gjithçka çfarë ndodhte prapa dyerve të mbyllura.

Foos për herë të parë e kishte kontaktuar gazetarin Talese në vitin 1980, kur i kishte dërguar atij një letër duke i treguar se, “ai ka vëzhguar seksin mes shumë çifteve në këto 15 vitet e fundit”.

Pronari i motelit e kishte rezervuar veten si “vëzhguesi” dhe pasi shihte çiftet duke bërë seks masturbohej ose bënte seks me gruan e tij Donna.

Foos e kishte shitur motelin në vitin 1995, por ai kishte grumbulluar qindra faqe ku kishte përshkruar historitë, e më pasi ia kishte dërguar gazetarit.

Vetëm në vitin 1973, Foos shkruan se, është dëshmitar i 185 orgazmave mashkullore dhe i 33 orgazmave femërore.

Ka shumë mundësi që Foos të jetë dëshmitar edhe i një vrasjeje.

Në vitin 1977 ai ka shkruar se “pas një përleshje dhe argumentimi për një orë, skena e vëzhguesit u bë më e dhunshme. Mashkulli e kapi për fyti vajzën derisa ajo mbeti pa ndjenja. Në panik më pas ai iku nga moteli”.

Sidoçoftë, ai thotë se, nuk mund të ndërhynte në këtë situatë, sepse ai ishte thjesht “vëzhgues”.

Foos thotë se, trupi i gruas është larguar më pas nga policia menjëherë pasi që ai e kishte informuar.

Gazetari Talese, më pas bashkë me Foos kishin vizituar papafingon e tij të fshetë ku ai i tregoi gjithë çfarë kishte parë për 25 vite.

Por Foos u pajtua me të që kjo gjë të bëhet publike vetëm në vitin 2013.

“Unë e mendoj veten si një hulumtues amator të seksit”.

Historia e plotë e këtij njeriu që vëzhgoi çiftet fshehurazi për 25 vite do të publikohet në librin e gazetarit Tales nën titullin “Udhëtimi i vëzhguesit”.

Si të hash akulloren
Nga Umberto Ecco
Kush isha i vogël, fëmijëve u bliheshin dy lloj akulloresh që shiteshin në ca karroca të bardha me kapakë ngjyrë argjendi: ose me kaush dy lekësh, ose me vafer, katër lekëshe…Gjyshja na këshillonte të mos e hanim kaushin deri në fund, ta hidhnim fundin majuc sepse ishte prekur nga dora e akullorexhiut (megjithatë, kjo ishte pjesa më e mirë, më kërrce, e hanim fshehurazi, duke u shtirur sikur e kishim hedhur).

Vaferi katër lekësh pregatitej nga një makinë e veçantë, edhe ajo ngjyrë argjendi që shtypte një seksion cilindrik akullorje mes dy sipërfaqesh të rrumbullakta paste. E kalonim gjuhën në pjesën e ndërmjetëme deri sa të mbërrinte bërthamën prej akullorje, në këtë pikë akullorja hahej e gjitha, me gjithë pastat mbështjellëse që tashmë ishin zbutur e nginjur me nektar. Gjyshja nuk kishte ndonjë këshillë për të na dhënë: teorikisht, vaferi ishte prekur vetëm nga makineria, praktikisht, akullorexhiu e kishte marrë në dorë për të na e dhënë, por nuk mund të identifikohej zona e prekur.

Unë isha i magjepsur nga disa bashkëmoshatarë të mitë, prindërit e të cilëve nuk u blinin një vafer katër lekësh po dy kaushë dy lekësh. Këta të privilegjuar marshonin me një akullore në dorën e djathtë e një në të majtën dhe, duke lëvizur me zhdërvjelltësi kokën, lëpinin herë njërën, herë tjetrën. Kjo liturgji më dukej aq madhërishëm për t’u pasur zili sa shpesh herë kisha kërkuar ta luaja edhe unë. Më kot. Të mitë ishin të paepur: një akullore katër lekëshe dakort, dy dy lekëshe, në asnjë mënyrë. Siç mund ta vërejë secili prej jush, as matematika, as ekonomia, as dietika nuk mund ta justifikonin këtë refuzim. Bile as higjena, duke parakuptuar se do të hidhedhin dy fundet e koneve…Tani, banor dhe viktimë e një shoqërie konsumi e shkapërderdhjeje (që nuk ishte e tillë në vitet tridhjetë), e kuptoj se ata të dashur që tani nuk janë më, kishin të drejtë. Dy akullore dy lekëshe në vend të njërës katër lekëshe, ekonomikisht nuk ishin shkapërderdhje, por simbolikisht ishin që ç’ke me të. Tamam për këtë i dëshiroja: se dy akullore të sugjeronin teprinë. Tamam për këtë nuk m’i lejonin: pse nuk dukeshin të fisme, se përqeshnin mjerimin, se dukeshin mendjemadhësi e një privilegji të rremë, mburrje me mirëqenien. ..

Njësoj si prindërit e atyre grykësave dinakë që i kisha zili dikur, qytetërimi i konsumit shtiret sikur të jep më shumë, por, në të vërtetë, për katër lekë, të jep atë që vlen katër lekë. Do ta hidhni tej radion e vjetër të dorës për ta zëvendësuar me atë që premton edhe autorivers, por ca dobësi të brendëshme të pashpjegueshme do të bëjnë që radioja e re e dorës të ketë veç një vit jetëgjatësi. Makina e re do t’i ketë ndenjëset me lëkurë, dy pasqyra anësore që rregullohen nga brenda dhe kroskotin prej druri, por do të mbijetojë shumë më pak se e lavdishmja Cinquecento që, edhe kur prishej, një shqelm e vinte sërish në punë.

Por, morali i atyre kohësve na donte të gjithëve spartanë, ndërsa ky i sotmi na do të gjithëve të dhënë pas qejfeve.


Pas sherrit, Françeska sërish në krahët e të dashurit

Javën e shkuar, mediat folën gjatë e gjerë për sherrin e Françeskës me ish-bashkëshorten e të dashurit të saj. Por me sa duket, as ky konflikt dhe as lajmet që qarkulluan nuk ndikuan në lidhjen e çiftit.

Ditët e fundit, biondja simpatike e “Big Brother”-it ka postuar foto me të dashurin e saj.

Çifti duket më i lumtur se kurrë, teksa shijon edhe jetën e natës. Françeska dhe i dashuri i saj janë në një lidhje prej disa kohësh.

Duket se kjo marrëdhënie është diçka serioze, pasi çifti është shfaqur gjithnjë së bashku, të dashuruar si ditën e parë.
Ja pse duhet të konsumoni 1 lugë vaj ulliri çdo mëngjes

Vaji i ullirit nuk përdoret vetëm në kuzhinë, por edhe në mjekësi, farmaci apo për higjienën personale. Ajo çka e bën vajin e ullirit një super ushqim është niveli i lartë i yndyrave mono të pangopura, sidomos acidit oleik dhe antioksidues të ndryshëm.

Për shkak të përfitimeve të shumta që i sjell shëndetit, vaji i ullirit është quajtur ndryshe “mrekullia mesdhetare”.

Nëse do të konsumoni 1 lugë çaji vaj ulliri çdo mëngjes, ju do të parandaloni këto sëmundje:

1. Sëmundjen e dementias

Një nga shkaktarët e sëmundjes së alcejmerit është rritja e akumulimit të aminoacideve në tru. Një grup ekspertësh në Universitetin e Luizianës kanë zbuluar se një përbërje fenolike e quajtur “oleocanthal”, që gjendet tek vaji i ullirit ekstra i virgjër, ka fuqinë të kontrollojë nivelin e këtyre amino acideve dhe t’i spastrojë ato.

2. Parandalon kancerin

Vetitë e vajit të ullirit ekstra të virgjër janë të mirë për luftën kundër llojeve të ndryshme të kancerit. Dy llojet e kancerit që janë testuar më shpesh lidhen me sistemin e tretjes dhe kancerin e gjirit. Vaji i ullirit është i pasur me acid oleik që parandalon formimin e qelizave kancerogjene, dhe me antioksidues fenolikë, të cilët kanë veti kundër kancerit.

3. Ul nivelin e sheqerit në gjak

Konsumimi i vaj të ullirit ekstra të virgjër nga pacientët që vuajnë nga diabeti i tipit 2 i ndihmon ata në uljen e nivelit të sheqerit në gjak, si dhe ndihmon në rregullimin e tensionit të gjakut.

Përfitime të tjera shëndetësore të vajit të ullirit:

-Forcon sistemin imunitar: antioksiduesit tek vaji i ullirit mbrojnë sistemin imunitar nga infeksionet.

-Mbron zemrën: vaji i ullirit ndihmon në balancimin e niveleve të kolesterolit.

-Ndihmon në rënien në peshë – vaji i ullirit ju ndihmon të digjni sasinë e dhjamit të tepërt, sigurisht i kombinuar me dieta dhe ushtrime.

Ja sa vaj ulliri duhet të konsumoni çdo ditë, për shërimin e sëmundjeve të ndryshme:

Për tretjen: 30 ml vaj ulliri

Për tensionin e lartë të gjakut: 30­40 ml vaj ulliri ektra të virgjër, si pjesë të dietës. Një opsion tjetër është duke përdorur 400 mg të sktrektit të gjethes së ullirit 4 herë në ditë.

Për parandalimin e sëmundjeve të zemrës: 50 ml në ditë.

Për kolesterolin e lartë: 23 ml vaj ulliri çdo ditë (rreth 2 lugë çaji)./shendeti.com.al/

Grupi “Blushi” ndryshon fokus: Oponencë ndaj qeverisë “Rama”

Grupi prej 12 figurash socialiste që u rreshtuan përkrah Blushit në fillim të debatit për zgjedhjen e kryetarit të PS-së, nuk kanë marrë pjesë në votim, disa për arsye objektive të mos ndodhjes në vendvotime, e disa të tjerë, për arsye se besojnë që ky referendum ishte një farsë.

Nga grupi i cili përbëhej nga Ben Blushi, Arta Dade, Mimoza Hafizi, Rexhep Meidani, Ndre Legisi, Petrit Ago, Mark Nikolli, Namik Kopliku, Marko Bello, Tritan Kalo, Suzana Hakrama dhe Maqo Lakrori, rezulton se asnjë nuk ka votuar, Kopliku sepse ndodhej në Shkodër e votonte në Tiranë, Dade sepse ndodhej jashtë vendit.

Mimoza Hafizi tha për “Shqiptarja.com” se nuk kishte marrë pjesë. “Sigurisht që nuk mora pjesë. Desha vetëm të jem pjesë e monitorimit të procesit përmes vëzhguesve, por nuk u lejova”.

Por pyetja që bëhet pas kësaj faze, është se çfarë do të bëjë grupi mbështetës i Blushit, i regjistruar me atë që quhet “Lëvizja për Demokraci në PS”. Dy nga protagonistët e kësaj nisme, Petrit Ago dhe Maqo Lakrori thonë se ky është vetëm fillimi, dhe paralajmërojnë se aksioni i radhës do të jetë kritika e qeverisjes së Ramës. Petrit Ago shpjegon se pse nuk mori pjesë në votimin e djeshëm.

“Nëse do të merrja pjesë në këtë votim unë do të legjitimoja shkeljet flagrante që janë bërë në lidhje me zgjedhjen e kryetarit të Partisë Socialiste sipas parimit një anëtar një votë”-tha Ago. I pyetur se çfarë do të ndodhë më tej, ai thotë se aksioni sapo ka filluar. “Kauza jonë sapo ka filluar.

Ne me punën tonë, me të drejtën tonë do të bindim elektoratin e majtë se ne jemi në të drejtën tonë. Koha sapo ka filluar”-tha Ago. I pyetur nga Shqiptarja.com se çfarë kanë parashikuar të bëjnë dhe si do ta bindni elektoratin e majtë, ai tha se do të shumëfishohet lëvizja. “Ne do të vazhdojmë lëvizjen që e kemi afishuar. Do të shumëfishojmë forcat dhe energjitë për të realizuar të gjithë objektivat që ka kjo lëvizje. Nuk ka qenë problem fushata. Unë jam prononcuar kundër referendumit dhe do të vazhdoj ta bëj. Nuk është problem vetëm referendumi. Problemi madhor që ka Partia Socialiste si mazhorancë është qeverisja e dobët e saj.

Gjendja e keqe, shumë e vështirë ekonomike, është kryesore. Çfarë tha Banka Botërore dje është në të njëjtën linjë me të gjitha vërejtjet që ne kemi bërë”-tha Ago. Pyetjes se a do t’i bëhet oponencë qeveritare në 2017 Edi Ramës, Ago nuk ju përgjigj drejtpërdrejtë nëse e kishte fjalën për një parti të re, por tha se opozita nuk do të jetë ndaj socialistëve, por ndaj rilindësve. “Do t’ia lëmë kohës. Por Rama nuk do të ketë shans të thotë që këta duhan që të humbasin socialistët. Realisht ne jemi socialistët, Rama është rilindja. Janë njerëzit e katapultuar në PS”-tha Petrit Ago. Maqo Lakrori tha se aksioni i Lëvizjes për Demokraci në PS që ai vetë e drejton, sapo ka filluar.

“Në Kongresin e PS-së votova hapur kundër zhvillimit të këtij lloj referendumi. Në vijim të atij qëndrimi nuk morra pjesë në votimin e sotëm. Lëvizja për Demokraci në Partinë Socialiste të Shqipërisë vetëm sa ka filluar. Në mbledhjen e fundit të AKS në marsin e kaluar në paraqitem platformën e 20 shkurtit 2016, të Lëvizjes sonë. Argumentet e platformës për demokraci reale në PS, u konfirmuan, madje u pasuruan më tej, nga vetë mënyra e përgatitjes dhe e zhvillimit të Kongresit të 19 marsit, e po ashtu edhe nga gjithë ecuria e këtij referendumit të sotëm. Prandaj, ju thashë që ky është vetëm fillimi”-tha Maqo Lakrori për “Shqiptarja.com”.

Lakrori

“Problemi madhor që ka PS si mazhorancë është qeverisja e dobët e saj. Rama nuk do të ketë shans të thotë që këta duhan që të humbasin socialistët. Realisht ne jemi socialistët, Rama është rilindja. Janë njerëzit e katapultuar në PS”.

Ago

“Në Kongresin e PS-së votova hapur kundër zhvillimit të këtij lloj referendumi. Në vijim të atij qëndrimi nuk morra pjesë në votimin e sotëm. Lëvizja për Demokraci në Partinë Socialiste të Shqipërisë vetëm sa ka filluar”.

Rambo? Jo, janë të "fortët" e Fierit
Lëviznin me armë pa leje, por kanë rënë në prangat e policisë e cila i ka zënë në flagrancë.

Në vijim të punës për rritjen e parametrave të sigurisë dhe mbajtjes nën kontroll të elementëve me tendenca kriminale, specialistët për Krimet në Komisariatin e Policisë Fier, arrestuan në flagrancë shtetasit:

- Aleks Pashaj, 23 vjeç, banues në Lagjen Nr.4, Durrës.

- Enea Kolaj, 26 vjeç.

- Marineo Qypi,18 vjeç.

- E.D, 17 vjeç, të tre banues në Lagjen Nr.13, Durrës.

Arrestimi i këtyre shtetasve u bë pasi gjatë natës në vendin e quajtur “Safari”, gjatë kontrollit të ushtruar në mjetin tip “Mercedes-Benz” me targa “AA 588 GA”, në posedim të shtetasit Aleks Pashaj, në të cilin udhëtonin këta shtetas, u gjetën dhe sekuestruan në cilësinë e provës materiale një silenciator, një pistoletë “Berreta Gordone”, një pistoletë “Bruni” model ‘92, si edhe dy krehëra pistolete.

Materialet i kaluan Prokurorisë pranë Gjykatës së Shkallës së Parë, Fier, për veprat penale "Prodhim dhe mbajtje pa leje e armëve luftarake dhe e municionit" dhe "Moskallzim krimi", parashikuar nga Nenet 278/5 e 300 te Kodit Penal.

I moshuari i kërkonte seks, dëshmia e vajzës: Na ndante një oborr

Fqinji i moshuar i ishte kthyer në makth vajzës së re, i cili e përndiqte dhe i kërkonte të lidheshin bashkë duke i thënë gjithnjë se e “pëlqente shumë”.

Sipas Policisë së Lushnjës, 25-vjeçarja nga fshati Mizë i këtij rrethi, është paraqitur në komisariat dhe ka kërkuar ndihmë, pasi sipas saj fqinji 69-vjeçar e përndiqte gjithandej dhe madje i kërkonte seks.

Ajo ka dëshmuar se kjo situatë i ishte bërë stresuese prej shumë kohësh dhe nuk mund ta duronte dot më, pasi kudo që shkonte, 69-vjeçari me inicialet D. Sh. i ishte bërë “hije”.

E ndodhur në këto kushte, vajza e re i është drejtuar Policisë së Lushnjës, e cila ka shoqëruar më pas të moshuarin dhe pasi e ka marrë në pyetje, ia ka kaluar materialet Prokurorisë. D. Sh. do të hetohet në gjendje të lirë, ndërsa mësohet se gjatë marrjes në pyetje nuk e ka pranuar përndjekjen e vajzës, por vetëm se ai kishte simpati për të, shkruan panorama. Sipas të dhënave, 25-vjeçarja në dëshminë e dhënë para punonjësit të policisë, ka pohuar se me fqinjin e saj D. Sh., i ndante veç një oborr.

Para disa muajsh kur ata janë ndodhur të vetëm, secili në oborr të vet, i moshuari i është afruar duke i bërë fillimisht komplimente, dhe më pas i ka thënë 25-vjeçares se e pëlqente shumë.

Fillimisht vajza nuk është shqetësuar nga kjo, duke menduar se ndoshta fqinji i moshuar kishte qenë i dehur. Por edhe në ditët më pas, kur ajo shkonte në dyqan, te shoqet në fshat, te të afërmit apo edhe punët e përditshme të bujqësisë, “rastësisht”, para ose mbrapa saj, gjendej gjithnjë fqinji i saj.

Ai e kishte ndaluar atë disa herë dhe i kishte kërkuar të shkonte me të në një vend larg syve të fshatit dhe të kryenin marrëdhënie. Por ndonëse 25-vjeçarja e ka refuzuar, i moshuari ka vijuar të këmbëngulë duke i shkuar asaj nga mbrapa. Për të evituar konfliktet familjare, vajza e re nuk ka kërkuar ndihmën e të afërmve.

Ajo ka menduar ta zgjidhë me policinë këtë çështje, ndërsa është shprehur para punonjësit që i ka mbajtur asaj kallëzimin, se fqinji i ishte kthyer në makth. Pas denoncimit të saj, policia ka thirrur të moshuarin dhe e ka marrë në pyetje, por ai e ka mohuar ta ketë përndjekur fqinjën e tij. “Është e vërtetë, unë kam simpati për të. Por nuk e kam përndjekur dhe as i kam kërkuar seks”,- është shprehur 69-vjeçari./BW/

Makina përplaset me trafikndarësen, humb jetën një i ri

Përplasja e automjetit me trafikndarësen i ka marrë jetën një të riu. Aksidenti ka ndodhur në autostradën Fier-Lushnje, ndërsa viktima është 20-vjeçari, Ermal Manaj.

Automjeti tip “Ford” më tagra “AA 444 JO”, sipas policisë rrugore, nga shpejtësia e madhe, është plasur me trafikndarësen.

I riu Ermal Manaj ishte ulur në vendin e pasagjerit. Nga aksidenti ka mbetur i plagosur edhe drejtuesi i mjetit, Odeon Zgjana.

Policia është në vendngjarje dhe po heton shkaqet e aksidentit./tvklan.al/

Vrasja para 6 viteve, nëna e Franc Konomit: ‘Janë ata të Spanjës’
Policia ende nuk ka asnjë të dyshuar apo të dënuar për vrasjen e Franc Konomit, i vrarë në mes të Tiranës rreth 6 vite më parë.

E ëma e tij, Kristina Konomi, rrëfen takimin e fundit, por edhe kërkon nga policia zbardhjen e vrasjes së djalit të saj.

“Kohët e fundit nuk kam pyetur më, sepse më janë shuar shpresat, edhe pse thonë se shpresa vdes e fundit. Por, para disa vitesh, djali im së bashku me dy shokë të tij ka shkuar te një biznesmen që ka një ndërtesë te “Rruga e Kavajës” për t’i kërkuar disa para që ia kishte për të dhënë Francit. Kur djali i ka kërkuar paratë, ai kishte filluar ta ofendonte, duke i thënë se nuk do t’ia jepte asnjëherë. Në ato momente, në lokalin e biznesmenit mësova se ka qenë edhe një polic i komisariatit numër 3 dhe e ka dëgjuar të gjithë bisedën.

Por, nuk e di arsyen përse djalin tim dhe dy shokët e tij i ka marrë dhe i ka çuar në komisariatin numër 2 dhe kanë qëndruar aty për 24 orë. Të nesërmen në mëngjes kam shkuar kam takuar një drejtor policie që të nxirrja djalin nga komisariati, pasi ai nuk kishte bërë asnjë faj. Kur djali ka dalë prej andej, më ka treguar se një polic i kishte qëlluar me shkelm në bark.

As sot nuk e di përse ma morën djalin në komisariat. Më pas i kam thënë që jam nëna e Franc Konomit. Kur i jam prezantuar, më tha se do të interesohej. “E kam njohur nga afër – më tha – ai duhej të jetonte”. Ai më dha një shpresë”, ka thënë ajo.

Teksa flet për dy fëmijët që kishte Franci, një vajzë e ka me një shqiptare, ndërsa tjetrën me një gjermane, e ëma tregon edhe ato çfarë I kanë thënë policët, në momentin kur I kanë dorëzuar sendet personale.

“Personi që më dha sendet e tij personale, si çelësat e shtëpisë dhe portofolin me pak lekë që kishte pasur, sepse makinën ma kanë dhënë nja një javë më vonë, privatisht më tha (jo në zyrë): “Ata që kanë qëlluar në mes të kamerave në Spanjë, nuk e kishin për gjë që të qëllonin edhe këtu”,- ka thënë ajo për “Gazeta Shqiptare”./GSH/
Video/ Dokumenti, deputeti i PD-së me valixhe misterioze në hotel

Një dokument i Policisë së Shtetit ngre pikëpyetje dhe dyshime, sa i takon motive të sulmit ndaj makinës së deputetit të Partisë Demokratike, Bedri Hoxha, vitin e kaluar, në Burrel.

Deputeti Hoxha deklaroi asokohe se, sulmi kishte prapavijë politike, duke e lidhur me detyrën e tij si ligjvënës të Partisë Demokratike. Madje, ligjvënësi u kërkoi institucioneve ligjzbatuese zbardhjen e ngjarjes së rëndë, ndërsa PD bëri një deklaratë të fortë.

Por çfarë thotë Policia e Shtetit për këtë ngjarje? Gazeta Shqiptarja.com disponon procesverbalin, i cili përshkruan lëvizjet e deputetit demokrat, para sulmit ndaj makinës së tij.

Në procesverbalin e mbajtur nga Oficeri i Policisë Gjyqësore, Azis Heta, thuhet se, nga makina kanë dalë dy persona, njëri i seksit mashkull dhe tjetri i seksit femër, të cilët kanë hyrë në hotel me valixhe në duart./shqiptarja.com/
“Ben, ik nga PS !”