«veterinariya» ixtisosligi bo’yicha oliy o’quv yurtlari uchun qo’llanma

Profilaktikasi. 
Bo’g’oz hayvonlar rasioni D
2 
vitaminiga boy 
oziqalar bilan boyitiladi. qish - bahor fasllarida bunday oziqalarning 
tanqisligi tufayli rasion D vitaminining preparatlari bilan boyitiladi. 
Buning uchun videin D
3
, mikrovit D
3
, prosol 500, lutovit D
3
kabi 
mikrogranullalangan preparatlar va D vitaminining quruq achitqili 
konsentratlaridan qo’shiladi. Bo’g’oz hayvonlarning to’g’ishiga 2 oy 
qolgandan boshlab, trivit, tetravit yoki tetramag kabi kompleks 

---

175 
vitmaminli preparatlardan har 10 kunda bir marta inyeksiya qilish 
tavsiya etiladi.
Bug’oz sigirlar va buzoqlar rejali ravishda dispanser ko’rigidan 
o’tkazilib, aniqlangan kamchiliklarni tugatish, hayvonlarni saqlash va 
parvarishlash sharoitlarini me’yorlashtirish tadbirlari amalga oshiriladi. 
Zarurat tug’ilganda oziqabop bo’r, diammoniyfosfat, trikal’siyfosfat va 
boshqa qo’shimcha aralashmalar, mikroelementlar va vitaminlar 
saqlovchi premikslar yo’riqnomasiga asosan tavsiya etiladi. Yosh 
hayvonlar saqlanadigan molxonalarga ultrabinafsha nurlar beradigan 
lampalar o’rnatiladi. 
30 -mashg’ulot.
 ENZOOTIK ATAKSIYA, ALIMENTAR
ANEMIYA
 
Reja: 
28.1. Enzootik ataksiya. 
28.2. Alimentar anemiya. 
28.3. Kasal hayvon qabo’l qilish. 
Mashg’ulotning maqsadi:
talabalarga enzootik ataksiya va 
alimentar anemiyani davolash va ularga qarshi preparatlarni kasal 
hayvonlarga qo’llashni o’rgatish. 
Kerakli jihoz, reaktiv va asbob-uskunalar:
enzootik ataksiya va 
alimentar anemiyani qarshi preparatlar namunalari, steril shpris va 
ignalar, klinik tekshirish asboblari, klinik sog’lom va kasal buzoqlar.
Mashg’ulotning borishi: Enzootik ataksiya 
- surunkali tarzda 
kechadigan kasallik bo’lib, organizmda misning yetishmovchiligi 
oqibatida kelib chiqadi va gemopoezning buzilishi, teri qoplamasi 
rangining o’zgarishi, markaziy asab tizimida distrofik o’zgarishlar 
kuzatilishi bilan xarakterlanadi.