«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Гемолитик анемия (Anemia hemolitika) - эритроцитлар гемолизининг кучайиши оқибатида қондаги эритроцитлар сонининг ва гемоглобин миқдорининг камайиши, гемолитик сарғайиш, оғир кечган ҳолларда гемоглобинурия кузатилиши билан тавсифланади.
Сабаблари. Сабабларига кўра, гемолитик анемияларнинг туғма ва орттирилган турлари фарқланади. Туғма гемолитик анемиялар - эритроцитлар мембранасидаги липопротеидлар таркибининг ўзгаришлари, глюкоза-6-фосфатдегидрогеназа, глутатионредуктаза, пруваткиназа ферментлари фаолиги-нинг ўзгариши, ҳамда гемоглобин структураси ва синтезининг бузилиши оқибатида;
Орттирилган гемолитик анемиялар гемолитик заҳарлар (рух, қўрғошин, сурьма препаратлари, хлороформ, органик кислоталар, водород сульфид, заҳарли ўсимликлар, илонлар заҳри, юқумли ва паразитар касалликлар қўзғатувчилари), медикаментлар (сульфаниламидлар, нитрофуранлар, антибиотиклар) ва бошқа омиллар таъсирида келиб чиқади. Сигирларда узоқ муддат бир хил рационда боқиш, узоқ муддат беда, лавлаги тўппаси, карам, рапс билан боқиш, фосфорнинг етишмовчилиги анемияларга шунингдек туғриқдан кейинги анемияларга сабаб бўлади. Бузоқларга кўп миқдорда совуқ сув берилиши гемолитик анемияга сабаб бўлади.
Ривожланиши. Гемолитик анемия пайтида эритроцитлар томирлар ичида ёки мононуклеар фагоцитларда - ҳужайра ичида парчаланади. Эритроцитларнинг томир ичидаги гемолизи гемолитик заҳарлар таъсирида кузатилса, ҳужайра ичидаги гемолиз суяк илиги, жигар ва талоқдаги мононуклеар фагоцитлар эритроцитларни гемолизга учратади. Гемолитик заҳарлар ва эритроциларга қарши антителалар томонидан чиқириладиган (гемолитик касаллик, қон қўйиш) анемиялар аосан томир ичидаги гемолиз билан ўтади.
Аутоиммун, юқумли ва паразитар гемолитик анемиялар пайтида асосан томир ичидаги, шунингдек, ҳужайра ичидаги гемолиз кузатилади.
Эритроцитларнинг зўр бериб гемолизга учраши қонда билирубин миқдорининг ортишига сабаб бўлади, жигарнинг имкониятидан кўп миқдордаги билирубининг ҳосил бўлиши унинг қон плазмасида тўпланиб қолиши, гемолитик сарғайишга сабаб бўлади. Томир ичидаги гемолизнинг кучайиши оқибатида плазмага кўплаб чиқаётган гемоглобинни мононуклеар - фагоцитар ҳужайралар тўтиб улгурмайди ва оқибатда гемоглобинурия кузатилади.
Одатда туғма гемолитик анемиялар сурункали, орттирилган гемолитик анемия ўткир тарзда ўтади.