«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Текширишнинг бориши.
А) самоджи бўйича оқсилсиз фильтрат тайёрлаш. 5 мл қонга 25 мл дистилланган усв, 10 мл 0,3 н. уювчи натрий эритмаси қўшилади, қўзғатилиб аралаштирилади, кейин 10 мл 5%-ли рух сульфат эритмаси қўшилади, қўзғатилиб аралаштирилади ва 10 дақиқа ўтгач қоғоз фильтрдан ўтказилади. Бунда қоннинг суюлтириш даражаси 1:10 бўлади.
Б) Кетон таначаларининг умумий миқдорини аниқлаш. Бевосита ишни бошлашдан олдин музлатгич қўшилади ва ҳайдаш колбасига дистилланган сув қуйиб унга бир текис қайнаши учун пемза қушиб, аппарат 20 дақиқа давомида оқма бўғ ёрдамида тозаланади. Қабул қилгич стаканчага 20 мл дистилланган сув 2 мл 0,01н. йод эритаси, 2 мл 10%-ли уювчи натрий эритмаси солинади ва ҳайдовчи аппаратнинг холодильниги тагига қуйилади (унинг учи суюқликга кириб туриши учун). Ҳайдаш колбасига 10 мл қон фильтрати, 15 мл бихромат аралашмаси ва 10 мл дистилланган сув қуйилади. Шунга параллел равишда аппаратда қиёсий намуна тайёрланади: ҳайдаш колбасига 20 мл дистилланган сув ва 15 мл бихромат аралашмаси солинади. Приборлар ёпилади, холодильниклар сувга туташтирилади ва электроплиткалар ёқилади. Тажриба намуналари 25 дақиқа, қиёсий намуналар 15 дақиқа қайнатилади. Иссиқлик ўзилади ва ҳайдаш колбалари чиқариб олинади, холодильник бироз дистилланган сув билан чайқаб олинади. Қабўл қилувчи стаканчанинг қопқоғи ёпилади ва 15-20 дақиқа қоронғи жойда сақланади. Белгиланган вақт ўтиши билан қабул қилувчи стаканчага тезлик билан 2 мл 20%-ли сульфат кислотаси эритмаси солинади, устига 2-3 томчи 1%-ли крахмал эритмаси қўшилиб, 0,01н. гипосульфат эритмаси билан эритма рангсизлантирилгунга титрланади.
Ҳисоблаш қуйидаги формула ёрдамида амалга оширилади:
Хмг% = (А - В) х 0,25 х 100, бу ерда
Х -кетон таначалар миқдори, мл%;
А - қиёсий намунадаги эркин йодни титрлашга кетган 0,01н. гипосульфат эритмасининг миқдори, мл;
В - тажриба намунасидаги эркин йодни титрлашга кетган 0,01н. гипосульфат эритмасининг миқдори, мл;
0,25 - 1 мл 0,01н. йод эритмаси 0,2 мг ацетонни бириктиради;
100 - мг% га айлантириш коэффициенти.
В) Ацетон ва ацетосирка кислоталарини аниқлаш. Қабўл қилувчи стаканчага 20 мл дистилланган сув, 2 мл 0,01н. йод эритмаси, 2 мл 10%-ли уювчи натрий эритмаси солинади. Ҳайдаш аппаратининг холодильниги тагига қуйилади. Ҳайдаш колбасига 10 мл қон фильтради, 1мл 20%-ли сульфат кислотаси эритмаси ва 15 мл дистилланган сув солинади. Паралелл равишда 2 та қиёсий намуна тайёрланади. Хайдаш колбасига 25 мл дистилланган сув ва 1 мл 20%-ли сульфат кислота эритмаси солинади. Система ёпилади, электроплиткалар қушилади ва қиёсий намуна 15 дақиқа, тажриба намуналари 25 дақиқа қайнатилади. Кейинги текширишлар кетон таначаларининг умумий миқдорини аниқлашдагидек бўлади.
Ҳисоблаш қуйидаги формула ёрдамида амалга оширилади:
Хмг% = (А-В) х 10,24, бу ерда
А - қиёсий намунадаги эркин йодни бириктиришга сарф бўлган 0,01н. гипосульфит эритмаси миқдори, мл;
В - тажриба намунасидаги эркин йодни бириктиришга сарф бўлган 0,01н. гипосульфит эритмаси миқдори, мг;
10,24 - мг%га айлантириш коэффициенти, 1 мл 0,01 н. йод эритмаси 10,24 мг ацентонга тўғри келади. Тажриба намунасидаги фильтрат миқдори 10,24 (0,1020 х 100) га кўпайтирилса 100 мл қондаги ацетон ва ацетосирка кислотаси миқдорига тўғри келади.
Г) Бета- оксимой кислотасини аниқлаш. Қабўл қилувчи стаканчага кетон таначаларининг умумий миқдорини аниқлашда солинган реактивлар солинади ва холодиникнинг пастки қисмига қуйилади. Хайдаш колбаси ацетон ва ацетосирка кислотасини хайдаб бўлгандан кейин совутилади ва унга 15 мл бихромат аралашмаси 4 мартага бўлиб солинади. Система ёпилади, электроплитка қўшилади. 28 дақиқа қайнатилади. Кузатиш керакки, қайнаш тухтаб қолмасин ва суюқлик тошиб кетмасин (бихромат қораймасин). Агар бихромат воронкадан тукилиб кетса ҳам, суюқлик қайнаётган бўлса унга дистилланган сувни бўлиб-бўлиб қуйиш мумкин, 28 дақиқа ўтгач, қабул қилиш колбаси холодилникдан ажратилади, иссиқлик узилади. Хайдаш колбаси ва холодилник 4-5 мл дистилланган сув билан чайқаб олинади.
Қиёсий намуна: қабул қилиш колбасига 10 мл дистилланган сув ва 15 мл бихромат солинади. Қайнатиш 25 дақиқа давом эттирилади.

21-машғулот. МОДДА АЛМАШИНУВИ БУЗИЛИШЛАРИНИ ДАВОЛАШ. КЕТОЗ.