«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Миокардоз (Myocarosis) - миокарднинг касаллиги бўлиб, юрак мушакларида модда алмашинувларининг бузилиши, дистрофик ва дегенератив ўзгаришлар билан тавсифланади.
Сабаблари. Касаллик кўпинча кетоз, гиповитаминозлар, бўғозлик токсикози, тиреотоксикозлар, қандли диабет, ёғ босиши каби касалликлар оқибати сифатида ривожланади. Баъзан гепатит ёки гепатоз билан бир вақтда ривожланади.
Патогенезида миокардиомиоцитларда модда алмашинувларининг бузилиши, донадор ва ёғли дистрофия кузатилиши ҳамда юрак мускуллари қисқарувчанлик қобилиятининг пасайиши, гемодинамикани ва газлар алмашинувининг бузилиши характерли бўлади.
Клиник белгилари касалликнинг бошида аниқ намоён бўлмайди ва кейинчалик, умумий ҳолсизланиш, иштаҳанинг, маҳсулдорлик ва иш қобилиятининг пасайиши кузатилади. Юрак тонларининг бўғиқ, иккиланиб эшитилиши ва аритмия характерли бўлади.
Даволаш. Сифатсиз, чириган ва моғорлаган озиқалар рациондан чиқарилиб, ўрнига енгил ҳазмланувчи, туйимлиги юқори бўлган озиқалар киритилади. Юрак мушакларида мода алмашинувларини яхшилаш мақсадида В гуруҳи витаминлари (В₁, В₂, В₆), токоферол, калий, кальций ва магний тузлари, рибоксин, юрак гликозидлари, сульфакамфокаин ва диуретиклар тавсия қилинади. В гуруҳи витаминларининг фосфорилланган шакллари В₁ (кокарбоксилаза) ва В₆ (пиридоксальфосфат) яхши самара беради.
Кокарбоксилаза катта ҳайвонларга – 5-50 мл, итларга – 0,5-1 мл, пиридоксин – катта ҳайвонларга 0,1-0,8 г, итларга – 0,04-0,06 г мускул орасига кунига бир марта; итларга рибофлавин – 5-20 мг, токоферол ацетат – 20-50 мг оғиз орқали тавсия этилади.
Аритмия, коронар қон томирлари етишмовчиликларида калий тузлари (аспаркам, калий оротат ва б.), рибоксин тавсия этилади. Калий оротат от ва қорамолларга – 0,5-1 мг/кг, итларга – 1,2-1,5 мг/кг оғиз орқали 20 кун давомида тавсия этилади.
Миокардоз кучли юрак етишмовчилиги билан кечганда юрак гликозидлари: наперстянка барги (оғиз орқали) – отларга – 1-2 г, сигирга – 2-3 г; кордигит – от ва қорамолларга – 0,01-0,02 мг/кг, итларга – 0,02-0,06 мг/кг кунига 2 марта, ландыш настойкаси – от ва қорамолларга – 10-20 мл, итларга 5-1,0 мл, кунига 2 марта 10-15 кун давомида тавсия этилади.

10.Сигирга

Rp.: Sol. Coffeini natrii benzoati 20% - 10,0
D.t.d. N 10 in ampullis
S. Тери остига. 5 кун давомида кунига 1 мартадан 2 ампуладан
юбориш учун.

11. Cигирга

Rp.: Coffeini-natrii benzoatis 2,0
Hexamethylentetramini 6,0
Sol.Glucosi 20% - 300,0
M.D.S.Вена кон томирига. 1 марта инъекция учун.
12. Гуножинга.
Rp.: Natrii salicylatis
Themisali aa 1,0
M.f. pulvis
D.t.d.N 12
S. Оғиз орқали. Бир ўрамдан кунига 2 марта, 6 кун давомида.
13. Буқачага
Rp.: Calciiodini 0,5
D.t.d.N 12 in tabul.
S. Оғиз орқали. Кунига 1 таблеткадан 2 марта сув билан 6 кун
давомида.
14. Сигирга
Rp.: Sol.Glucosi 20% - 900,0
Ac.ascorbinici 3,0
M.f. solutio steril.
D.S. Вена қон томирига. Кунига 300 мл.дан бир марта, 3 кун
давомида.

15. Отга
Rp.: Cordiamini 2,0

D.t.d.N 50 in ampullis
S.Тери остига. 5 ампуладан кунига 2 марта, 5 кун давомида.
16. Отга
Rp.: Sol. Camphorae oleosae 20% - 10,0
D.t.d.N 6 in ampullis
S. Тери остига. Эрталаб ва кечкурун 3 ампуладан юбориш учун.

17. Сигирга

Rp.: Sol. Corazoli 10% - 1,0
D.t.d.N40 in ampullis
S.Мускул орасига. Кунига 10 ампуладан бир марта,4 кун давомида.
18. Итга.
Rp.: Cocarboxylasi hydrochloridi 0,05
D.t.d.N 10 in ampullis
S. Мускул орасига. 1ампуладан эритувчисига эритилган ҳолда, кунига 2 марта, 5 кун давомида.

10-машғулот. ЮқОРИ НАФАС йўлларИ КАСАЛЛИКЛАРИНИ ДАВОЛАШ

Режа:
10.1. Антибиотиклар билан даволаш тартиби
10.2. Интратрахеал инъекция
10.3. Ингаляция ва аэрозолотерапия
10.4. Юлдузсимон тугун новокаинли қамали