«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Машғулотнинг мақсади: талабаларга отларни триходесмотоксикоз касаллигига эртачи ташҳис қуйиш ва уни эртачи даволаш усулини ҳамда заҳарланишлар пайтида биринч ёрдам кўрсатиш тартибини ўрганиш
Керакли жиҳоз, реактив ва асбоб-ускуналар: жадваллар, слайдлар, гербарийлар, кампирчопон ўсимлиги ўруғининг намуналари, касал от, фаниндоскоп, термометр, перкуссион болғача, плессиметр, наперслянка настойкаси. Строфантин настойкаси, глюкоза порошоги, хлорогидрат (ёки 10%ли аналгин), 5%ли натрий хлорид эритмаси, эритма қуйиш тизими, шприц ва стеил игналар.
Машғулотнинг бориши: Озиқа токсикозлари деб ҳайвонларга озиқа сифатида бериладиган ўсимликлар ва бошқа озиқалар таркибидаги заҳарли моддаларда организмнинг заҳарланиши тушнилади. Организмда заҳарли моддаларнинг ҳосил бўлишидан келиб чиқадиган касалликлар аутоинтоксикациялар деб аталади.
Заҳарланиш кўпинча заҳарли хусусиятли озиқаларнинг (айиқтовон, кампирчопон, бангидевона, какра, оққуврай) вегетатив қисмларини дағал озиқаларга уруғларини омихта емга қўшилиб организмга тушишидан келиб чиқади.
Озиқалар нотўғри сақланганда ва ҳайвонларга қайта тайёрлаб берилганда заҳарлилик хусусиятига эга бўлиши мумкин. Бу пайтда озиқаларда бактериялар ва замбуруғлар ривожланади, уларнинг ҳаёт фаолияти давомида ҳосил бўладиган заҳарли моддалар (токсинлар) интоксикацияга сабаб бўлади.
Заҳарли ўсимликларнинг вегетатив қисмлари ва уруғларидага заҳарлар ташқи муҳит таъсирида жуда секин парчаланади ва уларнинг ҳайвонлар томонидан истеъмол қилиниши кўпинча яширин ҳолда кечадиган сурункали заҳарланишларга олиб келиб, уларнинг соғлиги, маҳсулдорлиги ва кўпайиш функцияларига салбий таъсир кўрсатади.
Сабаблари ва заҳарланиш манбаларининг турига кўра, заҳарланиш-ларнинг қўйидаги турлари кўп қайд этилади:

1. 
   Заҳарли ўсимликлардан заҳарланишлар (фитотоксикозлар).
   
2. 
   Ош тузи ва карбомиддан заҳарланиш.
   
3. 
   Қишлоқ хўжалик ўсимликларини техник қайта ишлашдан
   

олинадиган озиқалардан заҳарланиш

4. 
   Заҳарли замбуруғлар билан зарарланган озиқалардан
   

заҳарланишлар (микотоксикозлар).

Озиқа токсикозлари кўпинча чўчқаларда, йирик шохли ва майда шохли ҳайвонларда, кам ҳолларда қушлар ва мўйнали ҳайвонларда қайд этилади.