«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Қон зардобидаги ишқорий заҳирани аниқлаш (Раевский усули).


Усулнинг принципи. Хлорид кислотанинг ализаринрот индикатори билан титрланишига асосланган. Бунда барча ишқорий заҳиранинг миқдори (карбонат, фосфат ва протеин буферлари) аниқланади.
Реактив ва аппаратуралар:

1. 
   Натрий хлориднинг 0,45%-ли эритмаси;
   
2. 
   Хлорид кислотасининг 0,01 н. эритмаси;
   
3. 
   Ализаринротнинг 1 % ли сувли эритмаси;
   
4. 
   Идишларни ювиш учун дистилланган сув;
   
5. 
   Кимёвий стаканчалар;
   
6. 
   20-30 мл ҳажмдаги бюреткалар.
   
7. 
   Микробюреткалар;
   
8. 
   Пипетка.
   

Текширишнинг бориши. Кимёвий стаканчаларга 2 мл 0,45%-ли натрий хлорид эритмаси солинади ва устига 1 томчи ализаринрот томизилади. Аралашма сариқ рангга киради. Кейин микропипетка ёрдамида 0,2 мл қон зардоби солинади. Суюқлик гилос рангига ёки тўқ ҳаво рангига киради. Қиёсий намуна учун стаканчага қон зардоби солинмайди ва натрий хлорид эритмасининг ранги сариқлигича қолади ва бунга 1 томчи 0,01 н. хлорид кислота эритмаси солинади. Стакандаги аралашмалар қўзғатилади.
Тажриба намунаси тайёрланган стакандаги аралашма 0,01 н. хлорид кислотаси билан титрланади. Титрлаш суюқлик ранги қиёсий намунадаги суюқлик рангига киргунча давом эттирилади.
Ҳисоблашда қуйидаги формуладан фойдаланилади:
А
X мг% = х 1000, бу ерда;
5
А - титрлашга сарфланган хлорид кислотаси эритмасининг миқдори; 1000 - мг% га айлантириш коэффициенти.
Масалан, 0,2 мл қон зардобини титрлаш учун 2,4 мл хлорид кислотаси сарф бўлди, бунда 100 мл қон зардобидаги ишқорий заҳира миқдори қуйидагича бўлади:
X = 2,4 : 5 = 0,480 г%; 0,480 х 1000 = 480 мг%, ёки қискача қилиб, X мг% = А х 200 деб ҳисоблаш мумкин, яъни X = 2,4 х 200 = 480 мг%.


Қон зардобидаги умумий оқсил миқдорини аниқлаш
(рефрактометрик усул).
Усулнинг принципи текшираётган моддаларнинг ёруғликни синдириш (рефракция) курсаткичини (коэффициенти) аниқлашга асосланган. Синдириш курсаткичи деб, ёруғликнинг тушиш бурчаги синусининг унинг синиш бурчагига айтилади. Қон зардобида рефракция курсаткичи биринчи навбатда ундаги умумий оқсил миқдорига боғлиқ.