«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Даволаш. Касалликнинг сабаблари йўқотилади, гипоксия ва интоксикацияни камайтириш, гемопоэзни кучайтиришга қаратилган даволаш муолажалари ўтказилади. Агар гемолитик анемия заҳарланиш оқибатида кузатилган бўлса ҳазм тракти ювилади ва сурги дорилар тавсия этилади. Ўткир заҳарланишларда қон оқизиб юборилиб, ўрнига изотоник эритмалар, гуруҳидан қатъий назар қон, қон зардрби ёки плазмаси юборилади. Рацион оқсил, витаминлар ва темирга бой озиқалар (ўтхўр ҳайвонларга - кўк озиқалар, сифатли пичан, омихта емлар, гўштхўр ҳайвонларга гўшт суяк уни, жигар) билан бойитилади.
Интоксикацияни йўқотиш учун қон томирига натрий, кальций хлориднинг гипертоник эритмалари, аскорбин кислотаси билан биргаликда глюкоза эритмалари юборилади. Гемопоэзни рағбатлантириш мақсадида темир, кобальт, мис препаратлари, С ва В₁₂ витаминлари, гемостимулин, фитин ва бошқа препаратлар, туғруқдан кейинги гемоглобинурия пайтида фосфорга бой препаратлардан темир глицерофосфат, фосфин, диаммоний фосфат кабилар қўлланилади. Аутоиммун гемолитик анемияларни даволашда глюкокортикоид гормонлар, масалан преднизолон, оғиз орқали 1 мг/кг дозада ёки шу дозага эквивалент ҳолда кортизон, гидрокортизон, преднизон кабилар тавсия этилади.
Гемоспоридиозли характердаги гемолитик анемияларни даволашда паразитларига қарши дорилар (7%-ли азидин эритмаси мускул орасига 3,5 мг/кг; 1-2%-ли гемоспоридин, тери остига – отларга – 2 мг/кг, қорамол ва қўйларга – 5 мг/кг) тавсия этилади. Нимжон ҳайвонларга Ушбу доза иккига булиб қўлланилади. Жигарнинг функцияларини тиклаш мақсадида Лив-52, липомид, эссенциал каби препаратлар, шунингдек, эритропоэзни кучайтирувчи дорилар тавсия этилади.
Профилактикаси. Озиқалар билан гемолитик хусусиятли заҳарларнинг оганизмга тушишининг олдини олиш, илон чақиши, она ҳайврнларни қочиришда наслдор ҳайвонлар қон гуруҳларининг мос келишига эътибор бериш, бўғоз ва янги туққан сигирлар оранизмининг тўйимли моддалар, витаминлар ва фосфор билан таъминланишини назорат қилиб туриш лозим. Уларга кўп миқдорда қанд лавлаги ва унинг чиқиндиларидан берилишига йўл қўймаслик, бузоқларга кўп миқдорда совуқ сув бермаслик керак.
45. Бузоқга.
Rp.: Ferri lactici pylverati 1,0
D.t.d.N 8
S. Оғиз орқали. Бир ўрамдан кунига 2 марта, 4 кун давомида.

46. Буқачага.

Rp.: Dragee Phospheni N 25
S. Оғиз орқали. Кунига 2 таблеткадан 3 марта, 4 кун давомида
омихта емга аралаштириб бериш учун.