«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Фан бўйича талабларнинг билимига, кўникма ва малакасига қўйиладиган талаблар. «Ички юқумсиз касалликлар» ўқув фанини ўзлаш-тириш жараёнида амалга ошириладиган масалалар доирасида бакалавр:

• 
  барча тур ҳайвонлар сақланадиган молхоналардаги зоогигиеник параметрлар ва уларнинг юқумсиз касалликлар келиб чиқишидаги ўрни, ҳайвонларни озиқлантириш меъёрлари, рацион типи ва структураси, уларнинг овқат ҳазм қилиш тизими ва модда алмашинуви бузилиши касалликларининг келиб чиқишидаги ўрни; ҳайвонлар организмида модда алмашинувининг моҳияти, турлари ва уларнинг биокимёвий асослари; ҳайвонларни диспансерлашни ва диспансерлаш натижаларини таҳлил қилишни билиши керак;
  
• 
  талаба ички юқумсиз касалликлар умумий профилактикасида организм билан ташқи муҳитнинг алоқадорлиги тамойили; ёруғлик нурларининг хоссалари ва уларнинг биологик таъсири; ички юқумсиз касалликлар умумий терапиясида даволаш усулларининг моҳияти ва турларини ҳамда даволаш тамойиллари; юрак қон-томир, нафас, овқат ҳазм қилиш, жигар касалликлар, айириш, қон, асаб тизими, модда алмашинуви бузилиши касалликлари ва заҳарланишларнинг сабаблари, асосий синдромлари, ташхиси ва қиёсий ташхиси, даволаш ва олдини олиш кўникмаларига эга бўлиш керак.
  
• 
  талаба жамоа ва фермер хўжаликлари шароитида ҳайвонларни диспансерлаш ва унинг натижалари асосида гуруҳли профилактик даволашни ташкил этиш; ҳайвонларда умумий ва тизимлар бўйича клиник текширишлар, қон, сийдик, тезак ва бошқа материалларда лаборатор текширишлар ўтказиш ва текшириш натижаларини таҳлил қилиш; касалликларга ташхис қўйиш ва қиёсий ташхисни аниқлаш, даволашда қўлланиладиган дори ва воситаларни танлаш, касалликларни даволаш тартибини белгилаш, олдини олиш чора тадбирларини ишлаб чиқиш, профилактик тадбирлар ўтказиш бўйича малакаларига эга бўлиши керак.
  
• 
  Ички юқумсиз касалликлар фани асосий ихтисослик фани ҳисобланиб, ўқув режасида кўрсатилган математика ва табиий (биофизика, кимё, ботаника озиқа етиштириш, зоология), умумкасбий (ҳайвонлар биокимёси, ҳайвонларни озиқлантириш технологияси, зоогигиена, фармакология, токсикология) ва ихтисослик (эпизоотология, паразитология, хирургия, ветакушерлик) фанларидан етарли билим ва кўникмаларга эга бўлишлик талаб этилади.