«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Реактив ва асбоб-ускуналар: РДУ, ИРФ, УРЛ типидаги рефрактометр, дистилланган сув, этил спиртининг эфир билан аралашмаси (1:1), пипеткалар, момиқ тампон, қон зардоби намуналари.
Текширишнинг бориши. Рефрактометрнинг юқори ва пастки камерали спирт-эфирига ботирилган дока билан намланади ва момиқ тампон билан қуритилади. Синдириш коэффициенти шкаласининг окуляри энг пастки ҳолатига келтирилади. Камеранинг пастки бўлаги туширилиб, призма устига 1-2 томчи дистилланган сув томизилади. Камера ёпилади, шкала окуляри ва кўриш трубкасининг окулярида тиниқлик топилгач, дастлабки ҳолатга келтирилади. Шкала окулярнинг чизиғи 1,3330 рақами устига (сувнинг синдириш кўрсаткичи) келтирилади ва кўриш трубкаси орқали ўзаро кесишган икки перпендикуляр чизиқ ва соя чегараси бир бири билан туташтирилади.
Призманинг юзаси суртиб қуритилгач, шиша таёқча ёрдамида пастки призма юзасига 1-2 томчи қон зардоби томизилади ва камера ёпилади. Ойна ёрдамида камерага ёруғлик берилади ва соя чегараси ўзаро кесишган икки перпендикуляр чизиқ ўртасига етгунча винт буралади.
Окуляр орқали кўрсаткичлар шкаласи бўйича чизиқ устидаги рақам топилади. Дока билан призма устидаги қон зардоби суртиб олинади, аввал қуруқ пахта тампон ва кейин спирт эфирга ботирилган тампон билан призма артилади ва навбатдаги намуна текширилади.
Умумий оқсил миқдори рефрактометрнинг синдириш кўрсаткичлари асосида жадвалга қараб топилади.
Клиник аҳамияти. Гипопротеинемия - ҳайвонлар ўзоқ вақтлар давомида оч қолганда, элементар остеодистрофия, уров касаллиги, гипокобальтоз, энзоотик буқоқ, ошқозон-ичак каналининг сурункали бузилишлари, нефрит ва нефроз, жигар циррози, туберкулёз ва бошқа касалликлар пайтида кузатилади.
Гиперпротеинемия - ўрта оқсилли озиқлантириш, кетоз, иккиламчи остеодистрофия, жигар дистрофияси ва гепатит, оғир кечувчи диареялар, организмнинг сувсизланиши, ўткир яллиғланиш жараёнлари, сепсис ва бошқа касалликларда кузатилади.


Қондаги кетон таначалари миқдорини аниқлаш (Йодометрик усул).