«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Машғулотнинг мақсади: талабаларга касал ҳайвонларни даволашда ёрулик нурларининг сунъий манбаларидан фойдаланиш қоидаларини ўргатиш.
Керакли жиҳоз, реактив ва асбоб-ускуналар: жадваллар, слайдлар, Соллюкс, ПРК лампалари, касал ҳайвонлар;
Машғулотнинг бориши: Физиотерапия деганда сув, ёруглик, хаво, шифобахш лойлар, электр, ультрабинафша нурлар, рентген нурлари ва ядро энергияси шаклидаги табиий омиллардан даволаш мақсадида фойдаланиш тушунилади.
Физиотерапия ва физиопрофилактика - деб касалликларни даволаш ва олдини олишда табиий ва сунъий физикавий омиллардан (сув, ҳаво, шифобахш лойлар, яйратиш, массаж, инфрақизил ва ультрабинафша нурлар ва б.) фойдаланишга айтилади.
Физиотерапия усулларини қўллаш орқали патологик жараённи чақирган таъсиротни йўқотиш ва организмнинг бузилган функциялари, тўқималарнинг трофикаси ва асаб тизимининг фаолиятини тиклашга эришилади. Модда алмашинуви жараёнлари мўътадиллашади ва жадаллашади, организмнинг иммунобиологик хусусиятлари ва табиий резистентлиги ошади.
Фототерапия деб касалликларнинг олдини олиш ва даволаш мақсадида кўзга кўринувчи ультрабинафша ва инфрақизил нурлардан фойдаланишга айтилади. Уларнинг табиий манбаси қўёш энергияси, сунъий манбаси эса махсус лампалар ҳисобланади.
Ёруғлик нурлари деганда ҳар хил тебраниш частотаси ва тўлқин узунлигига эга бўлган ва фазода 300000 км/секунд тезлик билан тарқалувчи электромагнит тўлқинлар тушунилади. Ёруғлик нурларининг тўлқин узунлиги қанчалик қисқа бўлса уларнинг квант энергияси шунчалик кучли бўлади.
Ёруғлик спектори кўзга кўринадиган ва кўринмайдиган нурланишларга бўлинади. Кўзга кўринмайдиган инфрақизил нурлар тўлқин узунлиги 460 мкм дан 760 нм гача, кўзга кўринувчи нурлар тўлқин узунлиги 760-390 нм, ультрабинафша нурлар тўлқин узунлиги - 400 дан 180 нм гача бўлади.
Ёруғлик нурлари организмга иссиқлик ва кимёвий таъсир кўрсатади, спектрнинг чап томонидан жой олган нурларда иссиқлик эффекти, ўнг томонида жойлашган нурларда эса кимёвий таъсир кучли бўлади. Кўзга кўринувчи нурлар тўлқин узунлиги ва тебранишлар частотасига кўра қизил, сариқ, яшил, ҳаво ранг, кўк ва бинафша нурларга бўлинади.
Ёруғлик нурларининг кўз тўр пардаси ва тери рецепторлари орқали организмга кўрсатадиган мураккаб биологик таъсири умумий тарзда бўлади. Уларнинг кичик дозалари модда алмашинувларини мўътадиллаштиради, ўрта дозалари - тўхтатади, юқори дозалари эса ёш ҳужайраларни ўлдиради. Ёруғликнинг етишмаслиги организмда турли патологик ўзгаришларга сабаб бўлади, иммунобиологик хусусиятлар ва маҳсулдорликни пасайтиради.
Ультрабинафша нурлар билан даволаш. Ультрабинафша нурларнинг табиий манбаси қуёш энергияси, сунъий манбалари ПРК, АРК, ДРТ русумидаги лампалар ҳисобланади. Ультрабинафша нурлар фотокимёвий ва аэроионловчи таъсирга эга бўлиб, терига 1 мм чуқурликкача ўтади, шиша ойна бу нурларни тутиб қолади.
Ультрабинафша нурларнинг организмга таъсири турлича бўлиб, уларнинг тўлқин узунлигига боғлиқ, шунинг учун ультрабинафша нурлар спектри уч гуруҳга бўлинади:
Катта тўлқин (400 дан 320 нм гача) узунлигига эга ультрабинафша нурлар кучсиз биологик таъсирга эга бўлиб, терида «эритема» реакциясини чақиради ва асосан хужайра цитоплазмасининг оқсилли субстанцияларидаги биокимёвий жараёнларни ўзгартиради.
Ў