«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Дори эритмасини мускул
орасига юбориш
Мускул орасига қийин сўриладиган, эмульсия ҳолидаги дорилар инъекция қилинади, чунки мускуллар қон томирларига бой бўлиб, уларнинг қисқариши дориларнинг сўрилишини таъминлайди. Мускул орасига инъекция нисбатан оғриқсиз амалга ошириш. Лекин кучли қитиқловчи, гипертоник ва гипотоник эритмаларни мускул орасига юборилган пайтда тўқималар некрозига сабаб бўлиши мумкин.
Мускул орасига инъекция қилиш учун мустаҳкам ва ўткир игна олиниб, тери юзасига перпендикуляр равишда 2-4 см чуқурликка санчилади ва қон чиқмаслилига ишонч ҳосил қилингач, дори тўлдирилган шприц унга ўрнатилади. Инъекция учун катта қон томирлар бўлмаган ва мускуллар яхши ривожланган жойлар танланади. Катта ҳайвонларда сағри юзаси, елканинг уч бошли мускули ва сон мускуллари, майда ҳайвонларда соннинг ички юзасига, чўчқаларда эса бўлардан ташқари қулоқ супрасининг орқа қисмида буйин мускулларига инъекция қилинади.
Вена қон томирига дорилар катта ҳайвонларда бўйинтириқ венаси, итларда бўйинтириқ, елка ва болдир тери ости венасига, чўчқа ва қўёнларда қулоқ супрасининг катта венасига, паррандаларда қанот ости венасига юборилади.

Вена қон томирига инъекция
Эритма ҳолидаги дориларни вена қон томирига юбориш учун Бобров, Коньков аппаратидан ва тиббиёт системаларидан фойдаланилиб, улар игнага канюла орқали уланади. Бунда қон томири бош бармоқ билан босилиб, игна 40-45^о бурчак остида ўткирланган томони тери юзасига тескари ҳолда тез ва илдам ҳаракат билан суқилади. Шприц шлангида ҳаво йўқлигига ишонч ҳосил қилингач, игнага уланиб, 38-40^о С ҳароратдаги эритма 20-30 мл/дақиқа тезликда юборилади. Дори тугашидан бироз олдин вена қон томири игна санчилган жойнинг баландидан босилиб, игна суғуриб олинади ва инъекция жойи зарарсизлантирилади.
Суяк орасига дориларни юбориш катта вена қон томирлари жароҳатланганда, заҳарланишларда, ҳазм тизими функцияси бузилишларида, майда ҳайвонларда вена қон томирлари диаметрининг кичиклиги туфайли, чўчқаларда дориларни вена қон томирларига юборишда қийинчилик туғилганда пайтларда тавсия этилади.
Инъекция учун қаттиқ игналар (Симонян, Бобров, Сайкович, Дюфо игналари) ишлатилади. Бузоқларда дорилар қўймич буртигидаги учбурчаксимон чуқурчага юборилади. Бунинг учун игна олдиндан орқага қаратилиб, 2-3 см четдан юборилади.