Ўқув қулланма Тошкент 2011 йил

Такомиллаштирилган пакетли маълумотлар шлюзи – ePDG

ePDG шлюзи “ишончсиз” уланиш тармоқлари (масалан WLAN) билан ўзаро боғланганда қуйидаги функцияларни бажаришга мўлжалланган:

• 
  турли хил уланиш тармоқлари абонентлари учун локал IP-манзиллар белгилаш;
  
• 
  маълумот пакетларини P-GW шлюзидан(га), шунингдек S-GW шлюзидан(га) маршрутлаш (S-GW шлюзи но-3GPP тармоқлар билан ишлаганда локал шлюзи вазифасини бажарганда);
  
• 
  маълумот пакетларини PMIPv6, IPSek тунелларига инкапсуляция ва деинкапсуляция қилиш;
  
• 
  аутентификация ва авторизация маълумотларини узатиш учун IKEv2 (ингл. Internet Key Exchange Protocol version 2) протоколи асосида хавфсиз туннеллар ҳосил қилиш.
  

3.3.2.3. Тизим ичида ҳамда тизимлараро ўзаро ҳамкорликни ташкил қилиш

LTE тизимида тизим ичида ҳамда тизимлараро боғланиш тегишли интерфейслар асосида амалга оширилади. LTE нинг таянч станциялари (eNB) таянч тармоғи билан RAN-CN (S1) интерфейси орқали уланади. MME модули бошқарув сигналларини S1c интерфейси орқали юборади (масалан, мобилликни бошқаруви бўйича). ТС тугунлари ва шлюзлар орасида абонентлар маълумотлари IP-протоколи асосидаги транспорт каналлар орқали S1u интерфейси ёрдамида узатилади. АУ нинг фаол режимида юқори тезликда мобиллигини таъминлаш учун LTE нинг ҳар бир таянч станцияси атрофдаги ТС ларга X2 интерфейси орқали мантиқий уланади.

GSM ва W-CDMA/HSPA тармоқлари LTE/SAE тармоғига SGSN ва EPC тугунларини бирлаштирувчи стандартлаштирилган интерфейслар орқали ўзаро уланади. Булар таркибига ММЕ ва P-GW орасида контекстни узатиш учун ҳамда абонент бир жойдан бошқа жойга кўчганда хар хил радиоуланиш технологиялари орасида каналлар ҳосил қилиш учун ишлатиладиган S5a, шунингдек, АУ билан IP-уланишни ташкил қилиш учун S-GW ва P-GW шлюзлари орасидаги S5b каби интерфейслар киради. Шу билан, GSM ва W-CDMA/HSPA терминаллари учун P-GW шлюзи GGSN (GSM тармоқларидаги GPRS ни қўллаб-қувватловчи шлюз тугуни) вазифасини бажаради. (2.4.3.1 бўлимга қаранг). Бундай архитектура SGSN ва MME ни битта тугунда улаш йўли билан GSM, W-CDMA/HSPA ва LTE тизимлари учун умумий пакетли таянч тармоғини яратиш имконини беради.
LTE/SAE тармоғининг асосий интерфейслари қисқача таърифи 3.2-жадвалда келтирилган.

3.2-жадвал

LTE/SAE тармоғининг асосий интерфейслари