Ўқув қулланма Тошкент 2011 йил

3.3.3. LTE тизимининг асосий функциялари, протоколлар структураси ҳамда канал структураси

Ушбу бўлимда протоколларнинг турли даражаларини функциялари ҳамда уларнинг LTE/SAE тармоғи архитектурасида жойлашуви, шунингдек, «юқорига» ва «пастга» йўналишлардаги алоқа каналлари ёритилган.

Қуйида LTE/SAE тармоғининг асосий функциялари келтирилган:

• 
  Тармоққа уланишни бошқарув функцияси (ингл. Network Access Control) «уй» ва меҳмон АУ ларга ҳам «уй», ҳам меҳмон тармоғи сифатида уланишни тақдим этишга жавоб беради. Бу функция ўз навбатида, тармоқни танлаш, аутентификация ва авторизация, уланишни назорат қилиш, тармоқ сиёсатлари ва тарификация қоидаларининг қўлланилиши - PCRF, хабарларни қонуний ушлаб олиш (ТҚТТ - СОРМ) каби нимфункцияларни ўз ичига олади.
  
• 
  Тармоқ радиоресурслари бошқаруви функцияси (ингл. Radio Resource Management) АУ лар ўртасида тармоқнинг канал ресурсларини тақсимлаш вазифаси билан шуғулланади. Бу функцияни амалга ошириш учун ММЕ модули eNB га “радиотехнология ва частота муҳимлиги (приоритети) бўйича танлаш” - RFSP (ингл. RAT/Frequency Selection Priority) деб номланган параметрни узатади. eNB да бу параметрдан радиоресурсларни бошқариш бўйича тармоқ стратегиясини амалга оширишда фойдаланилади. RFSP параметри хар бир АУ учун ягона (шахсий) бўлиб, у E-UTRAN тармоғининг барча маълумотлар алмашиш хизматларида ишлатилади.
  
• 
  Маълумот пакетларини маршрутлаш ва элтиш функцияси (ингл. Packet Routing and Transfer) бир ва бир нечта мобил алоқа тармоқлар ичида ва орасида пакетли маълумотларни узатиш йўналишини аниқлаш (маршрутлаш) ҳамда уларни элтиш (транспортлаш) ни амалга оширади. Бунинг учун, IP-сарлавҳаларни сиқиш ҳамда маълумот пакетларини текшириш (сканлаш) функциялари бажарилиши хам мумкин.
  
• 
  Абонент ускунаси мобиллигини бошқариш функцияси (ингл. Mobility Management) E-UTRAN тармоғида АУ нинг жойлашишини кузатиб боришни таъминлайди. Бу функция ўрганиш учун алоҳида аҳамиятга эга, ва шу сабабли у ҳақида қуйида 3.4-бўлимда атрофлича ёритилади.
  
•