ЎҚув методика маркази

Жисмоний дақиқа
“Бўри ва эчкилар” ҳаракатли ўйин
Тарбиячи: болалар сиз “эчкилар” бўласизлар. Эчкилар ўтлоқда сакраб- сакраб ўтлаб юришади. Бир бола “бўри” бўлади. Қачон мен: “Эчкилар ўтлоқда юришибди” деб айтсам, эчкилар хона бўйлаб сакраб юрадилар ва “мэ-мэ...” деб айтишади. Қачон мен: “Бўри” деб айтсам, эчкилар ўз жойига югуриб кетишади. Бўри уларни тутишга ҳаракат қилади, ўйинда шу сўзлардан фойдаланилса бўлади.
Эчкилар сакраб юрар
Кўм-кўк майса ўтлоқда
Қўрқувдан жони ҳалак
Назар солар атрофга
Матндаги сўзларга қараб болалар ҳаракат қилишади. Шундан сўнг бўри эчкиларни қувлаб кетади. Ушланган бола бўри ролини ижро этади.
Саводга тайёрлаш бўйича амалий машқ
Болалар, биз ҳозир бўри, эчки ҳақида жуда кўп сўзлар айтдик. Сўзлар бўғинлардан тузилганнини билиб олган эдик.Ҳозиргина айтилган сўзларни бўғинларга бўлиб кўрамиз. (Бўри, эч-ки, оч-кўз, до-но) Бугун эса сўздан товушни ажратишни машқ қиламиз. Товуш сўз ёки бўғинлардан ажратилади.Бўғин ёки сўздан унли товушни ажратиш қулай.Мен бўғинларни талаффуз қиламан, қайси товушни чўзиб айтаётганимни сиз айтасиз: ооо-на. Тўғри “O” товушини чўзиб айтдим. “O” - бу товуш. Биргаликда “O” товушини қайтарамиз. Яна икккинчи бўғинда қайси товушни чўзиб айтганимни топасиз: о-nааа (а товушини). Тўғри, энди шу 2-бўғиндаги бошқа товушни аниқланг: о-nnа ( “N” товуши). Демак, сўзда нечта товуш бор экан? (3та)Улар қайси товушлар?
(“о”, “n”, “а”) Сўз, бўғин нималардан тузилар экан? (Товушлардан) Она сўзида қайси товушлар чўзиб талаффуз қилинди? Мен “о”, “а”, “n” товушини талафуз қилдим, сиз уни эшитдингиз.Демак, товушларни талаффуз қиламиз яъни айтамиз ва эшитамиз.Биргаликда қайтарамиз.
( товушларни талаффуз қиламиз яъни айтамиз ва эшитамиз.)
Машғулот якунида барча болаларни рағбатлантириш.
5- машғулот
Мавзу: “s” товушини тўғри талаффуз қилиш
Мақсад:
“s” товушини тўғри талаффуз қилишга ўргатиш ва бўғин, сўзларда мустаҳкамлаш.