ЎҚув методика маркази

Март
1-машғулот
Мавзу: “K” товушини талаффуз қилиш
Мақсад:
“K” товушининг тўғри талаффузини мустаҳкамлаш.
Вазифалар:
“K” товушини ўрни аниқлаш: сўз боши, ўртаси ва охирида келишини айтиш,сўзларни бўғинларга ажратиш, “K” товушини эшитиб фарқлашга ўргатиш, “K” товушли сўзлар билан болалар нутқини бойитиш.
Кутилаётган натижалар:
“K” товушининг ундош товуш эканлигини, унинг сўз боши, ўртаси ва охирида келишини билиб оладилар.
“K” товушли сўзлар айта оладилар.
Керакли жиҳозлар:
“K” товуши бор суратлар
“Бўғинлардан сўз тузинг» таълимий ўйин учун материаллар
Машғулотнинг бориши:
Тарбиячи: бугун болалар “K” товуши ҳақида суҳбатлашамиз. “K” ундош товуш. Товушни эшитамиз, талаффуз қиламиз.Диққат билан эшитинг “K” товушини талаффуз қилганимда чапак чаласиз.
- “K”, “r”, “l”, “K”, “a”, “o”, “u”, “K”, “sh”, “z”, “K” …..
- “K” товушига оид сўзлар топишга ҳаракат қиламиз: калит, китоб, камон, каптар, капалак (болалар қийналсалар расм кўрсатиш мумкин)
- Айтилган сўзлардаги “K” товушини ўрнини аниқлаймиз.
Мен айтаман, сиз аниқлайсиз: kitob Мен шу сўзни қайта айтаман, сиз биринчи товушни айтасиз: k-k-ki-tob , Демак, kitob сўзида “K” товуши сўзнинг бошида келяпти; мен бошқа сўзни айтаман, сиз “K” товушини ўрнини аниқланг: mak-tab, демак, mak-tab сўзида “K” товуши сўзнинг ўртасида келяпти.Мен бошқа сўз айтаман диққат билан эшитинг: kaklik демак, kak-lik-k-k сўзида “K” товуши сўзнинг охирида келяпти.
Энди ўзингиз мустақил “K” товуши иштирок этган сўзларни топинг ва ўрнини аниқлашга ҳаракат қилинг. Болалар айтган сўзларини чапак чалиш орқали бўғинларга бўладилар. (нок, карам, кит, картошка, кубик, кетмон, ака, билак, Камол, Комил)
Тетиклаштирувчи машқ
“Нима қандай қичқиради?” ўйини
“K” товуши иштирок этган бўғинларни талаффуз қилиш.
Тарбиячи kо, ki, ka, ku, ko’ бўғинларини талаффуз қилиб, болаларга ўзи намуна кўрсатади. Болалар тарбиячи кетидан хўр бўлиб айтадилар. Сўнг якка-якка айттирилади.
KA- KA- KA KI-KI-KIU
KO- KO- KO KU-KU-KU
Неча марта қарсак овозини эшитсангиз, шунча “ka” бўғинини талаффуз қилинг
Шу тартибда kо, ki, ke, ko’ бўғинлари талаффуз этилади.
“Сўзларни тўлдиринг”ўйини