ЎҚув методика маркази

Изоҳ. Агар болалар ҳикоя тузишга қийналсалар тарбиячи намуна ҳикоя беради.
Тарбиячининг намунавий ҳикояси.
Соғлом бўлай десанг озода бўл.
Мен эрталаб уйқудан туриб, юз- қўлимни совунлаб ювдим. Қўлларимни ювганимда бармоқларимни яхшилаб ишқаладим. Қўлимда совун кўпиги қолмагунга қадар чайдим. Тишларимни тозаладим. Ювиниб бўлгач сочиққа артиндим. Доимо озода юрганим учун мен соғ юраман.
Тарбиячи машғулотни шеър ўқиб бериш билан якунлаш мумкин.
Яша, совун, яша сув!

Микроблар бўлар жуда қув, Яшириниб юрар у. Унга қарши курашган Яша совун, яша сув! Ишқаганда кўпирган, Доғларни ҳам ўчирган, Чарчамаган хизматда, Яша совун, яша сув!

Озодалик асоси, Буюмларнинг аълоси, Микробларни қирувчи, Яша совун, яша сув! Юзларимни юваман, Ялқовликни қуваман. Соғлиқ берган танамга Яша совун, яша сув!

Саводга тайёрлаш бўйича амалий машқ
“Копток билан ўйин”
Мақсад: Болаларнинг копток илиб олиш малакаси ошади.
Болалар нутқи ривожланади, фикрлаш доираси кенгаяди. Кайфияти кўтарилади.
Ўйиннинг бориши: Болалар доира шаклида турадилар. Тарбиячи коптокни қўлига олиб, ўйинни бошлаб беради. У “Қўлни совунлаб ювиш - фойдали одат” ёки “Қўлни ювмаслик - зарарли одат” деб тўпни хоҳлаган бир болага отади. Коптокни илиб олган бола охирги жумла “фойдали одат” дейилиши билан бирор бир фойдали одатни айтиши керак. Аксинча “зарарли одат” дейилган бўлса, бола бирор бир зарарли одатни айтади-да, коптокни бошқа болага отади. Коптокни отаётган пайтда у ҳам албатта “фойдали одат” ёки “зарарли одат” дейиши керак. Ўйин шу тарзда давом этади.
Изоҳ: Тарбиячи ўйин давомида копток ҳар бир болага боришига ва жавоблар қайтарилмаслигига аҳамият бериши керак.
Машғулот якунида болаларни рағбатлантириш