ЎҚув методика маркази

Саводга тайёрлаш бўйича амалий машқ
Қўғирчоқ, копток сўзларини бўғинларга бўлинг. Сўздаги биринчи товушни айтинг, охирги товушни айтинг. “Копток” сўзидан унли товушларни топинг.
“Копток” сўзида товушлар ўрнини аниқланг.
Машғулот якунида тарбиячи болаларга севимли ўйинларидан бирини ўйнашни таклиф қилади.
8-машғулот


Мавзу: “Баҳорда кишилар меҳнати” сурати бўйича ҳикоя тузиш
Мақсад: Сурат бўйича мазмунли ҳикоя тузишга, суратдаги тасвирдан олдинги воқеаларни мустақил ўйлаб тузишга ўргатиш.
Вазифалар:
«Баҳор», «кишилар меҳнати» мавзуларида луғатни фаоллаштириш.
Воқеа-ҳодисаларнинг муҳим белгиларини ажратишга, солиштиришга ва умумлаштиришга, уларни ифодалаш учун аниқ сўзларни танлашга ўргатиш.
Боғланишли нутқ—ҳикоя тузиш кўникмаларини шакллантириш.
Болалар луғатларини полиз, дала, қизғин, сабзавотлар: карам, қовоқ, бақлажон; мевалар, кўмаклашиш каби сўзлар билан фаоллаштириш.
Кутилаётган натижалар:
Сурат бўйича мазмунли ҳикоя тузишга, суратдаги тасвирдан олдинги воқеаларни мустақил ўйлаб тўқишга ўрганадилар.
Грамматик жиҳатдан тўғри сўзлашга интилади
Керакли жиҳозлар:
«Баҳорда кишилар меҳнати» мавзусида суратлар тўплами
Машғулотнинг бориши. Сурат илиб қўйилади ва мазмуни бўйича суҳбат ўтказилади.

• 
  Суратда қайси фасл тасвирланган?
  
• 
  Нима учун шундай деб ўйлайсиз?
  
• 
  Расмда қандай меҳнат турлари тасвирланган?
  
• 
  Болалар нима қилишяпти?
  

( кўчат экишда ёрдамлашяптилар)
Болалар тасаввур қилинг, расмда сиз тасвирлангансиз. Ҳикоя қилишда икки киши бўлиб ҳикоя тузасиз. Бирингиз ҳикояни бошлайсиз, бирингиз тугатасиз.
Шу тариқа болаларнинг сурат асосида тузган ҳикоялари тингланади. Болалар ҳикоя тузишда қийналсалар тарбиячи намуна ҳикоя беради.
Баҳор фасли келди. Дала ва боғларда иш қизғин. Далаларимизда чигит, полизларда эса сабзавотлар экилмоқда. Мевали боғларимизда дарахтларнинг тагларини чопиш, танасини оқлаш, ортиқча шохларини кесиш, ариқларни тозалаш ишлари бошланган. Баҳор фаслининг апрел ойида чорва моллари ўтлоққа чиқадилар. Қўй, эчкиларнинг юнги қирқилади. Пиллакорлар пилла етиштирадилар.
Тарбиячининг намуна ҳикоясидан сўнг болаларнинг тузган ҳикоялари тингланади.
Жисмоний дақиқа (ихтиёрий)