ЎҚув методика маркази

Керакли жиҳозлар:
Ҳикояни саҳналаштириш учун жиҳозлар
Машғулотнинг бориши
Тарбиячи: Болалар, сиз бир-бирига, катталарга, кичикларга ёрдам бериш деганда нимани тушунасиз? Сизга айтсам, ёрдам бериш ҳам икки хил бўлар экан. Қандай дейсизми? Ҳозир мен ўқиб бермоқчи бўлган ҳикоя икки хил ёрдам ҳақида ёзилган. Ҳикояни диққат билан эшитсангиз, қайси бир ёрдам яхши эканлигини билиб оласиз.
Тарбиячи ҳикояни ифодали қилиб ўқиб беради. Ҳикоя бўйича саволлар:
1. Ҳикоя нима ҳақида экан?
2. Бир хотин нима кўтариб кетаётган экан?
3. Биринчи бола нима деб ўтиб кетди?
4. Иккинчи бола нима иш қилди ва нима эшитди?
5. Биринчи бола нимага хайрон бўлиб қолди?
Савол-жавобдан сўнг тарбиячи ҳикояни яна бир марта ўқиб беради (5-6 боланинг ҳикояси тингланади).
Тарбиячи грамматик машқ ўтказади:
Хотин оғир тўр халтани кўтариб кетаётганда қандай ҳолатда эди? (чарчаган, толиққан, хориган).
Иккинчи бола картошкани тўр халтага солганда хотиннинг кайфияти қандай ўзгарди? (хурсанд, суюнди, мамнун) каби.

Машғулот якунида болаларни рағбатлантириш.

3-машғулот
Мавзу: Шахсий ҳаёт (тажриба)дан ҳикоя тузиш “Метрода”
Мақсад:
Шахсий ҳаётдан мазмунли изчилликда ҳикоя тузишга ўргатиш.
Вазифалар:
Боғланган нутқни ривожлантириш. Сўзлаётганда тўғри нафас олишни ривожлантириш.Нутқнинг ифодалилигини тарбиялаш. Ўз нутқида уюшиқ бўлакли гаплардан фойдаланиш малакасини мустаҳкамлаш. Берилган расмлар асосида сўз тузиш, айтилган сўз, товушларни аниқ талаффуз этишга ўргатиш.
Кутилаётган натижалар:
Болаларнинг боғланган нутқи ва товуш маданияти
ривожланади. Болаларда ижодий, мустақил фикрлаш ва буни нутқда ифодалаш кўникма ҳамда малакалари шаклланади. Берилган расмлар асосида сўз тузиш, айтилган сўз, товушларни аниқ талаффуз этишга ўрганадилар.
Керакли жиҳозлар:
“Метро” мавзусида расм
Транспортларнинг алоҳида-алоҳида тасвири